ամերիկացի գրող, դերասան From Wikipedia, the free encyclopedia
Իթան Գրին Հոուք (անգլ.՝ Ethan Green Hawke, նոյեմբերի 6, 1970[2][3][4][…], Օստին, ԱՄՆ[5]), ամերիկյան դերասան, սցենարիստ և գրող, «Օսկարի» (2002, 2005, 2014, 2015), «Ոսկե գլոբուսի» (2015) և BAFTA-ի հավակնորդ (2015)։ Արժանացել է բազմաթիվ մրցանակների թե՛ սցենարային աշխատանքների, թե՛ դերասանական գործունեության համար, մասնավորապես՝ «Մարզական օր» (2002) և «Պատանեկություն» (2014) ֆիլմերի համար։
![]() անգլ.՝ Ethan Hawke | |
---|---|
![]() Իթան Հոուքը 2009 թվականի Վենետիկի կինոփառատոնի ժամանակ | |
Ծնվել է | նոյեմբերի 6, 1970 (53 տարեկան) |
Ծննդավայր | Օսթին, Տեխաս, ԱՄՆ |
Կրթություն | Նյու Յորքի համալսարան, Քարնեգի Մելոն համալսարան, Hun School of Princeton?, Օսթինի տեխասյան համալսարան և West Windsor-Plainsboro High School South? |
Քաղաքացիություն | ![]() |
Մասնագիտություն | դերասան, ռեժիսոր, սցենարիստ, նովելագիր |
Ակտիվ շրջան | 1985–ներկա |
Ծնողներ | հայր՝ Ջեյմս Սթիվեն Հոք[1], մայր՝ Լեսլի Քերոլ Գրին[1] |
Ամուսին(ներ) | Ռայանա Հոուք |
Երեխա(ներ) | 4 |
Պարգևներ և մրցանակներ | |
Անդամություն | SAG-AFTRA, ԱՄՆ Սցենարիստների Գիլդիա և Ամերիկայի գրողների գիլդիա, Արևելյան |
Իթանի ծնողները ամուսնալուծվել են նրա ծնունդից որոշ ժամանակ անց։ Մոր նոր ամուսնությունից հետո Իթանի ընտանիքը տեղափոխվել է Պրինսթոն։
Իթանն առաջին անգամ հայտնվել է տեսախցիկի առաջ 14 տարեկան հասակում գիտաֆանտաստիկ «Հետազոտողները» ֆիլմում։ Իսկական դերասանական բեկումը սպասում էր նրան 1989 թվականին «Մեռյալ բանաստեղծների միությունը» ֆիլմում, որին հաջորդեցին բազում կինոաշխատանքներ։ 2001 թվականին նրա դերը «Մարզական օր» ֆիլմում արժանացավ «Օսկարի» անվանակարգի երկրորդ պլանի դերի համար։ 2004 թվականին Հոուքը իր համահեղինակների հետ միասին առաջադրվեց «Օսկարի» «Մայրամուտից առաջ» ֆիլմի սցենարի համար։ «Չելսի Ուոլս» ֆիլմում, որ ցուցադրվեց 2001 թվականին Կաննի կինոփառատոնի ժամանակ, և իր «Ամենաշոգ նահանգը» վեպի էկրանավորման ժամանակ Իթան Հոուքը հանդես եկավ ռեժիսորի դերում։
Պրինսթոնում Հոուքը ուսումնասիրել է դերասանական վարպետություն հանրահայտ Մաքքարթերի թատրոնում, այցելել է Բրիտանական թատերական ասոցիացիայի դերասանական դասերի Անգլիայում և Պիտսբուրգի Քարնեգի Մելոուն համալսարանը։ Նա հանդիսանում է «Malaparte» դերասանական խմբի հիմնադիրն ու գեղարվեստական ղեկավարն է։
Գրականության մեջ Հոուքն առաջին անգամ հանդես է եկել 1996 թվականին «Ամենաշոգ նահանգը» վեպով, որ պատմում է երկու երիտասարդ ինտելեկտուալների սիրային պատմությունը Նյու Յորքում 90-ական թվականներին։ Նրա երկրորդ վեպը՝ «Մոխրե միջավայրը» հրատարակվեց 2003 թվականին։
«Պատանեկություն» ֆիլմում հոգատար հոր կերպարի համար Հոուքն արժանացել է բազում մրցանակների, այդ թվում՝ ԱՄՆ-ի կինոդերասանների գիլդիայի մրցանակին, «Ոսկե գլոբուսին», BAFTA-ի և «Օսկարի»։
«Գատակա» ֆիլմում Իթան Հոուքը ծանոթացել է Ումա Թուրմանի հետ[6][7], որի հետ ամուսնացել է 1998 թվականի մայիսի 1-ին։ Նրանք ամուսնալուծվեցին 2005 թվականին։ Թուրմանն ու Հոուքն ունեն երկու երեխա. դուստրը՝ Մայա Ռեյը (ծնվ. 8 հուլիսի 1998 թվական) և որդին՝ Լևոն Ռոանը (ծնվ. 15 հունվարի 2002 թվական)։ 2008 թվականից Իթանն ամուսնացած է Ռայանա Հոուքի հետ[8][9], ով նախկինում աշխատում էր որպես Իթանի երեխաների դայակ։ Զույգն ունի երկու դուստր՝ Կլեմենտինան և Ինդիանան։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.