Իզոնիազիդ/պիրիդօքսին/սուլֆամետօքսազոլ/տրիմետոպրիմ
From Wikipedia, the free encyclopedia
Իզոնիազիդ/պիրիդօքսին/սուլֆամետօքսազոլ/տրիմետոպրիմ (INH/B6/CTX), մի քանի դեղամիջոցների ֆիքսված դեղաչափ է, որը կիրառվում է ՁԻԱՀ-ի ժամանակ օպորտունիստական վարակների կանխարգելման համար[1]։ Այն միավորում է իզոնիազիդը, պիրիդօքսինը, սուլֆամետօքսազոլը և տրիմետոպրիմը[1]։ Այն հատկապես օգտագործվում է տուբերկուլոզի, տոքսոպլազմոզի, թոքաբորբի, մալարիայի և իզոսպորիազի կանխարգելման համար[2][3]։ Այն օգտագործվում է պերօրալ[1]։
Կողմնակի ազդեցությունները ներառում են կենտրոնացման դժվարությունը, համրությունը, փսխումը և ցանը[2]։ Ծանր կողմնակի ազդեցություններից է լյարդի խնդիրները[2]։ Պետք է զգուշությամբ կիրառել գլյուկոզ-6-ֆոսֆատ դեհիդրոգենազայի պակաս ունեցող մարդկանց մոտ[2]։ Դեռ հստակ ուսումնասիրված չէ, բայց հղիության ժամանակ կիրառելու դեպքում խնդիրներ չեն առաջանում[2]։
Այն ԱՀԿ դեղամիջոցների ցանկում է, որպես առողջապահական համակարգում անհրաժեշտ ամենաանվտանգ և արդյունավետ դեղամիջոցներից մեկը[1]։ 2016 թվականի տվյալներով, զարգացող երկրներում մեկ տարվա կիրառման դեպքում արժեքը 15$ է[3]։ Չնայած դեղի արդյունավետությունը թույլ է տալիս օգտագործել ավելի քիչ դեղահաբեր, սակայն այդ տարբերակի կիրառման դեպքում հայտնի չէ բուժման արդյունավետությունը[4]։ Այլ հետազոտություններ ցույց են տվել, որ ֆիքսված դեղաչափերի կիրառումը արդյունավետ է այդ դեպքում[3]։