Իգնացի Նիկորովիչ

Իգնացի Նիկորովիչ (լեհ.՝ Ignacy Nikorowicz, մարտի 10, 1866(1866-03-10), Վիեննա, Ավստրիական կայսրություն - հուլիսի 1, 1951(1951-07-01), Կրակով, Կրակովի վոեվոդություն, Լեհաստանի Ժողովրդական Հանրապետություն), հայկական ծագումով, լեհ բանաստեղծ թատերագիր և արձակագիր։

Իգնացի Նիկորովիչ
Ծնվել է	մարտի 10, 1866(1866-03-10)
Ծննդավայր	Վիեննա, Ավստրիական կայսրություն
Մահացել է	հուլիսի 1, 1951(1951-07-01) (85 տարեկան)
Մահվան վայր	Կրակով, Կրակովի վոեվոդություն, Լեհաստանի Ժողովրդական Հանրապետություն
Գերեզման	Ռակովիցկի գերեզմանատուն
Քաղաքացիություն	Լեհաստան
Մասնագիտություն	գրող
Ծնողներ	հայր՝ Յուզեֆ Նիկորովիչ
Ignacy Nikorowicz Վիքիպահեստում

Յուզեֆ Նիկորովիչի որդին։

Կենսագրություն

Իգնացի Նիկորովիչը իրավագիտություն և փիլիսոփայություն է ուսումնասիրել Լվովում, Կալկսբուրգում, Կրակովում, Վիեննայում և Փարիզում։ 1892 թվականից խմբագրել է «Շվիատ» թերթը։ 1894 թվականին հիմնել է «Զագլոբա» շաբաթաթերթը։ Գրել և բեմադրել է լեհերեն և գերմաներեն թատերախաղեր։ «Զանգակահարը» պատմվածքը (1916)^{[Ն 1]} նվիրված է Հայոց Եղեռնին։ 1927 թվականին նշանակվել է Մարսելի լեհական հյուպատոս։ 1930 թվականին նրան շնորհվել է «Լվովի գրական մրցանակը»^[1]։

Թաղված է Կրակովի Ռակովիցկի գերեզմանատանը^[2]։

Ստեղծագործություններ

• « Պանի Վավևսկա» (1904) կատակրգություն,
• « Աղավնատանը» (1912) կատակրգություն,
• «Մարդը այլ մոլորակից» թատերախաղ,
• «Մարդը» թատերախաղ,
• «Պան Կիշոցկի» թատերախաղ,
• « Բարոյականությունը ի սկզբանե» (1926) կատակերգություն,
• « Սառը քամի» (1915) պատմվածք,
• « Անմահ սիրեկանը» (1929) պատմվածք,
• « Յան Կիսոցկի» (1910) վեպ,
• « Ծիածանի դիմակով» վեպ։

Գրականություն

• Wielka Encyklopedia Powszechna PWN, t. 7, str. 797, Państwowe Wydawnictwo Naukowe, Warszawa 1966.

Ծանոթագրություններ

1. Արծվի Բախչինյան (2002). Հայազգի գործիչներ. Երևան: Զանգակ-97. էջ 190. ISBN 99930-2-415-5.
2. Kronika żałobna. Ignacy Nikorowicz. „Dziennik Polski”, 1951, nr 183 z 4 lipca, s.4

Նշումներ

1. Հայերեն թարգմանությունը «Ասպարեզ» օրաթերթում, 03․ 06․1927

Վիքիպահեստն ունի նյութեր, որոնք վերաբերում են «Իգնացի Նիկորովիչ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 301)։