From Wikipedia, the free encyclopedia
Էնդրյու Ռոբերտսոն (անգլ.՝ Andrew Robertson, մարտի 11, 1994[1][2], Գլազգո, Շոտլանդիա, Միացյալ Թագավորություն), շոտլանդացի պրոֆեսիոնալ ֆուտբոլիստ։ Ներկայումս հանդես է գալիս Լիվերպուլի և Շոտլանդիայի ազգային հավաքականի կազմում։ Խաղում է ձախ պաշտպանի դիրքում[3]։
![]() Ռոբերտսոնը Լիվերպուլի կազմում 2018 թվականին | |||
Անձնական տվյալներ | |||
Քաղաքացիությունը |
![]() | ||
Ծննդյան ամսաթիվ | մարտի 11, 1994[1][2] (30 տարեկան) | ||
Ծննդավայր | Գլազգո, Շոտլանդիա, Միացյալ Թագավորություն | ||
Հասակ | 178 սմ | ||
Քաշ | 73 կգ | ||
Դիրք | ձախ պաշտպան | ||
Ակումբային տեղեկություններ | |||
Ներկա ակումբ |
![]() | ||
Համար | 26 | ||
Պատանեկան կարիերա | |||
![]() | |||
2009-2012 |
![]() | ||
Մասնագիտական կարիերա* | |||
Տարի | Ակումբ | Խաղ (գոլ) | |
2012-2013 |
![]() | 34 | (2) |
2013-2014 |
![]() | 36 | (3) |
2014-2017 |
![]() | 99 | (3) |
2017-ներկա |
![]() | 66 | (1) |
Ազգային հավաքական‡ | |||
2013-2015 |
![]() | 4 | (0) |
2014-ներկա |
![]() | 34 | (3) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Ռոբերտսոնը ֆուտբոլիստի կարիերան սկսել է Սելտիկի ակադեմիայում[4]։ 2009 թվականին նա միացավ Քուինս Պարկի երիտասարդական թիմին[5][6]։ Իր պրոֆեսիոնալ դեբյուտը նշեց 2012 թվականի հուլիսի 28-ին՝ Շոտլանդիայի մարտահրավերի գավաթի Բերվիկ Ռեյնջերսի դեմ խաղում[7][8]։ Առաջին հանդիպումը Շոտլանդիայի չորրորդ դիվիզիոնում անցկացրեց օգոստոսի 11-ին՝ մեկնարկային կազմում խաղադաշտ դուրս գալով Իսթ Ստերլինգշիրի դեմ խաղում[9]։ Սեպտեմբերի 25-ին Ռոբերտսոնը հեռացվեց խաղադաշտից Շոտլանդիայի լիգայի գավաթի Սենտ-Ջոնստոնի դեմ խաղում՝ կարմիր քարտ ստանալով հանդիպման 74-րդ րոպեին[10]։ Իր առաջին գոլը պրոֆեսիոնալ կարիերայում խփեց նոյեմբերի 13-ին՝ Իսթ Ստերլինգշիրի դեմ խաղում[11][12]։ Դեկտեմբերի 15-ին շոտլանդացին գոլ խփեց Էլգին Սիթիի դեմ խաղում, իսկ հանդիպումն ավարտվեց 1-1 հաշվով[13]։ Իր առաջին մրցաշրջանում Ռոբերտսոնը անցկացրեց 43 հանդիպում՝ դառնալով 2 գոլի և 3 գոլային փոխանցման հեղինակ[14]։
2013 թվականի հունիսի 3-ին Ռոբերտսոնը տեղափոխվեց Դանդի Յունայթեդ[15][16]։ Իր դեբյուտը Շոտլանդիայի առաջնությունում նշեց օգոստոսի 2-ին՝ թիմի մեկնարկային կազմում խաղադաշտ դուրս գալով Պարտիկ Տիսլի դեմ խաղում[17][18]։ Իր առաջին գոլը խփեց սեպտեմբերի 22-ին՝ Մոտերուելի դեմ խաղում[19][20]։ Սեպտեմբերին Ռոբերտսոնը ճանաչվեց Շոտլանդիայի առաջնության լավագույն երիտասարդ ֆուտբոլիստ[21]։ Հոկտեմբերի 4-ին շոտլանդացին երկարաձգեց իր պայմանագիրը Դանդի Յունայթեդի հետ մինչև 2016 թվականը[22][23]։ Նոյեմբերի 29-ին նա դուբլ ձևակերպեց Շոտլանդիայի գավաթի Կիլմարնոկի դեմ խաղում[24]։ Նոյեմբերին Ռոբերտսոնը ճանաչվեց առաջնության ամսվա լավագույն ֆուտբոլիստ[25][26]։ Մայիսի 17-ին նա թիմի մեկնարկային կազմում խաղադաշտ դուրս եկավ Շոտլանդիայի գավաթի եզրափակչի Սենտ-Ջոնստոնի դեմ խաղում[27], սակայն Դանդին պարտվեց 2-0 հաշվով[28][29]։ 2013-14 մրցաշրջանում Ռոբերտսոնը անցկացրեց 44 հանդիպում՝ դառնալով 5 գոլի և 6 գոլային փոխանցման հեղինակ[30], ինչպես նաև՝ ճանաչվեց Շոտլանդիայի առաջնության տարվա լավագույն երիտասարդ ֆուտբոլիստ[31][32] և ընդգրկվեց մրցաշրջանի խորհրդանշական հավաքականում[33][34][35]։
2014 թվականի հուլիսի 29-ին Ռոբերտսոնը 3 տարվա պայմանագիր կնքեց Հալ Սիթիի հետ[36][37][38][39]։ Իր դեբյուտը Պրեմիեր Լիգայում նշեց օգոստոսի 16-ին՝ թիմի մեկնարկային կազմում խաղադաշտ դուրս գալով Քուինս Պարկ Ռեյնջերսի դեմ խաղում[40][41]։ Իր առաջին մրցաշրջանում Ռոբերտսոնը անցկացրեց 24 հանդիպում՝ դառնալով 2 գոլային փոխանցման հեղինակ[42], իսկ Հալ Սիթին դուրս մնաց առաջնությունից՝ տեղափոխվելով Չեմպիոնշիպ[43][44]։
Իր առաջին գոլը Հալ Սիթիի կազմում Ռոբերտսոնը խփեց 2015 թվականի նոյեմբերի 3-ին՝ Բրենտֆորդի դեմ խաղում[45][46]։ 2016 թվականի ապրիլի 19-ին շոտլանդացին գոլ խփեց Ռեդինգի դեմ հանդիպման 79-րդ րոպեին՝ 2-1 հաշվով հաղթանակ պարգևելով իր թիմին[47]։ Մայիսի 28-ին նա մեկնարկային կազմում խաղադաշտ դուրս եկավ Չեմպիոնշիպի փլեյ-օֆֆի եզրափակչի Շեֆիլդ Ուենսդիի դեմ խաղում[48]՝ օգնելով Հալ Սիթիին հաղթել 2-1 հաշվով և վերադառնալ Պրեմիեր Լիգա[49][50]։ 2015-16 մրցաշրջանում Ռոբերտսոնը անցկացրեց 52 հանդիպում՝ դառնալով 4 գոլի և 5 գոլային փոխանցման հեղինակ[51]։
2016 թվականի դեկտեմբերի 23-ին Ռոբերտսոնը երկարաձգեց իր պայմանագիրը Հալ Սիթիի հետ մինչև 2018 թվականը[52][53][54][55]։ 2017 թվականի հունվարի 14-ին շոտլանդացին գոլային փոխանցում տվեց Բորնմուտի դեմ խաղում՝ օգնելով իր թիմին հաղթել 3-1 հաշվով[56]։ Իր առաջին գոլը Պրեմիեր Լիգայում խփեց ապրիլի 1-ին՝ Վեստ Հեմ Յունայթեդի դեմ խաղում[57][58]։ 2016-17 մրցաշրջանում Հալ Սիթին կրկին դուրս մնաց Պրեմիեր Լիգայից[59][60]։ Ակումբի կազմում Ռոբերտսոնը անցկացրեց 115 հանդիպում՝ դառնալով 5 գոլի և 10 գոլային փոխանցման հեղինակ[61][62]։
2017 թվականի հուլիսի 21-ին Ռոբերտսոնը 10 միլիոն ֆունտ ստերլինգի դիմաց տեղափոխվեց Լիվերպուլ[63][64][65][66]։ Իր դեբյուտը նշեց օգոստոսի 19-ին՝ Քրիսթալ Փելասի դեմ խաղում[67][68]։ Ռոբերտսոնը սկսեց մրցաշրջանը որպես Ալբերտո Մորենոյի փոխարինող[69][70], սակայն իրեն դրսևորելու հնարավորություն ստացավ դեկտեմբերին, երբ իսպանացին վնասվածք ստացավ[71][72]՝ դառնալով թիմի հիմնական կազմի խաղացող[73]։ Առաջին հանդիպումը եվրոպական առաջնություններում անցկացրեց 2018 թվականի փետրվարի 14-ին՝ Չեմպիոնների Լիգայի 1/8 եզրափակչի Պորտուի դեմ խաղում[74][75]։ Իր առաջին գոլը Ռոբերտսոնը խփեց մայիսի 13-ին՝ Բրայթոն ընդ Հոուվ Ալբիոնի դեմ խաղում՝ այս խաղում դառնալով նաև գոլային փոխանցման հեղինակ[76][77]։ Մայիսի 26-ին շոտլանդացին թիմի մեկնարկային կազմում խաղադաշտ դուրս եկավ Չեմպիոնների Լիգայի եզրափակչի Ռեալ Մադրիդի դեմ խաղում[78], սակայն Լիվերպուլը պարտվեց 3-1 հաշվով[79][80]։ Իր առաջին մրցաշրջանում Ռոբերտսոնը անցկացրեց 30 հանդիպում՝ դառնալով 1 գոլի և 5 գոլային փոխանցման հեղինակ[81]։
2019 թվականի հունվարի 17-ին Ռոբերտսոնը երկարաձգեց իր պայմանագիրը Լիվերպուլի հետ մինչև 2024 թվականը[82][83][84][85]։ Հունվարի 19-ին նա գոլային փոխանցում տվեց Սադիո Մանեին Քրիսթալ Փելասի դեմ հանդիպման վերջին րոպեին՝ օգնելով իր թիմին հաղթել 4-3 հաշվով[86]։ Փետրվարի 27-ին շոտլանդացին 2 գոլային փոխանցման հեղինակ դարձավ Ուոտֆորդի դեմ խաղում[87][88]։ Ապրիլի 26-ին Ռոբերտսոնը 2 գոլային փոխանցում տվեց Հադերսֆիլդ Թաունի դեմ խաղում, իսկ հանդիպումն ավարտվեց 5-0 հաշվով[89][90]։ Հունիսի 1-ին նա թիմի մեկնարկային կազմում խաղադաշտ դուրս եկավ Չեմպիոնների Լիգայի եզրափակչի Տոտենհեմ Հոտսպուրի դեմ խաղում[91]՝ օգնելով Լիվերպուլին հաղթել 2-0 հաշվով և նվաճել գավաթը[92][93]։ 2018-19 մրցաշրջանում Ռոբերտսոնը անցկացրեց 48 հանդիպում առաջնությունում՝ դառնալով 13 գոլային փոխանցման հեղինակ[94], և ընդգրկվելով Պրեմիեր Լիգայի[95][96][97] ու Չեմպիոնների Լիգայի խորհրդանշական հավաքականներում[98][99]։
2019 թվականի օգոստոսի 4-ին Ռոբերտսոնը մասնակցեց Անգլիայի սուպերգավաթի Մանչեսթեր Սիթիի դեմ խաղին[100], սակայն Լիվերպուլը պարտվեց հետխաղյա 11-մետրանոցների հարվածաշարում[101][102]։ Օգոստոսի 14-ին շոտլանդացին իրացրեց իր 11-մետրանոցը ՈՒԵՖԱ Սուպեր գավաթի Չելսիի դեմ խաղում[103]՝ օգնելով իր թիմին հաղթել հետխաղյա հարվածաշարում և նվաճել գավաթը[104][105]։ Իր առաջին գոլը Չեմպիոնների Լիգայում խփեց հոկտեմբերի 2-ին՝ խմբային փուլի Ռեդ Բուլ Զալցբուրգի դեմ խաղում[106][107]։
Ռոբերտսոնը ներկայացրել է Շոտլանդիան մինչև 21 տարեկանների երիտասարդական հավաքականում[108]։ Շոտլանդիայի ազգային հավաքական առաջին անգամ հրավիրվեց 2014 թվականի փետրվարին՝ Լեհաստանի դեմ խաղի համար[109][110][111][112]։ Իր դեբյուտը ազգային հավաքականում նշեց մարտի 5-ին՝ փոխարինման մտնելով Լեհաստանի դեմ խաղում[113][114]։ Առաջին հանդիպումը հավաքականի մեկնարկային կազմում անցկացրեց մայիսի 28-ին՝ Նիգերիայի դեմ խաղում[115][116]։ Իր առաջին գոլը Շոտլանդիայի կազմում Ռոբերտսոնը խփեց 2014 թվականի նոյեմբերի 18-ին՝ Անգլիայի դեմ ընկերական խաղում[117][118]։
2018 թվականի սեպտեմբերին Ռոբերտսոնը նշանակվեց Շոտլանդիայի հավաքականի ավագ[119][120][121][122]։ Հավաքականի ավագի թևկապով նա առաջին անգամ խաղադաշտ դուրս եկավ սեպտեմբերի 7-ին՝ Բելգիայի դեմ խաղում[123][124]։ 2019 թվականի հունիսի 8-ին Ռոբերտսոնը գոլ խփեց Կիպրոսի դեմ խաղում՝ օգնելով իր թիմին հաղթել 2-1 հաշվով[125][126]։
2019 թվականի հոկտեմբերի 18-ի դրությամբ[127]
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Քուինս Պարկ | 2012–13 | Շոտլանդիայի չորրորդ դիվիզիոն | 34 | 2 | 2 | 0 | — | 7 | 0 | 43 | 2 | |
Դանդի Յունայթեդ | 2013–14 | Շոտլանդիայի Պրեմիերշիպ | 36 | 3 | 5 | 2 | 3 | 0 | 44 | 5 | ||
Հալ Սիթի | 2014–15 | Պրեմիեր Լիգա | 24 | 0 | 0 | 0 | 0 | 0 | 0 | 0 | 24 | 0 |
2015–16 | Չեմպիոնշիպ | 42 | 2 | 2 | 0 | — | 8 | 2 | 52 | 4 | ||
2016–17 | Պրեմիեր Լիգա | 33 | 1 | 2 | 0 | 4 | 0 | 39 | 1 | |||
Ընդհանուր | 99 | 3 | 4 | 0 | 0 | 0 | 12 | 2 | 115 | 5 | ||
Լիվերպուլ | 2017–18 | Պրեմիեր Լիգա | 22 | 1 | 1 | 0 | 6 | 0 | 1 | 0 | 30 | 1 |
2018–19 | 36 | 0 | 0 | 0 | 12 | 0 | 0 | 0 | 48 | 0 | ||
2019–20 | 8 | 0 | 0 | 0 | 2 | 1 | 2 | 0 | 12 | 1 | ||
Ընդհանուր | 66 | 1 | 1 | 0 | 20 | 1 | 3 | 0 | 90 | 2 | ||
Կարիերայի ընդհանուր | 235 | 9 | 12 | 2 | 20 | 1 | 25 | 2 | 292 | 14 |
2019 թվականի հոկտեմբերի 18-ի դրությամբ[127]
Շոտլանդիա | ||
---|---|---|
Տարի | Խաղեր | Գոլեր |
2014 | 5 | 1 |
2015 | 3 | 0 |
2016 | 4 | 0 |
2017 | 8 | 1 |
2018 | 8 | 0 |
2019 | 6 | 1 |
Ընդհանուր | 34 | 3 |
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Նոյեմբերի 18, 2014 | Սելտիկ Պարկ, Գլազգո, Շոտլանդիա | ![]() |
1–2 | 1–3 | Ընկերական խաղ |
2. | Սեպտեմբերի 1, 2017 | ԼՖՖ մարզադաշտ, Վիլնյուս, Լիտվա | ![]() |
2–0 | 3–0 | ԱԱ 2018 Որակավորում |
3. | Հունիսի 8, 2019 | Հեմպդեն Պարկ, Գլազգո, Շոտլանդիա | ![]() |
1–0 | 2–1 | Եվրո 2020 Որակավորում |
Դանդի Յունայթեդ
Հալ Սիթի
Լիվերպուլ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.