բույսերի տեսակ From Wikipedia, the free encyclopedia
Զանգակածաղիկ միջին, երկամյա ծաղկաբույս է, ծագումով՝ Հարավային Եվրոպայից։ Կազմավորում է բրգաձև սաղարթ՝ մինչև 80 սմ բարձրությամբ, որը ամբողջովին ծածկվում է սպիտակ, վարդագույն, կարմրամանուշակագույն և կապույտ զանգականման ծաղիկներով։ Ծաղկում է հունիս–հուլիս ամիսներին։
Զանգակածաղիկ միջին | |
Զանգակածաղիկ միջին | |
Դասակարգում | |
Թագավորություն | Բույսեր (Plantae) |
Տիպ/Բաժին | Անոթավոր բույսեր (Tracheophytes) |
Ենթատիպ | Սերմնավոր բույսեր (Spermatophytes) |
Կարգ | Աստղածաղկավորներ (Asterales) |
Ընտանիք | Զանգակազգիներ (Campanulaceae) |
Ենթաընտանիք | Զանգակայիններ (Campanuloideae) |
Ցեղ | Զանգակ (Campanula) |
Տեսակ | Զանգակածաղիկ միջին (C. medium) |
Միջազգային անվանում | |
Campanula medium |
Պրաեցոքս տեսակ է, ծաղկում է 1-2 տասնօրյակ ավելի շուտ։ Ունի լիաթերթիկ այլատեսակներ։ Սերմերը մայիսին ցանում են սառը ջերմոցներում։ Երբ սերմնաբույսերը կազմավորում են առաջին զույգ տերևները, վերատնկում են բաց գրունտում՝ մարգերում։ Արդեն ամրացած և մի քանի զույգ իսկական տերևներ ունեցող սածիլները տնկում են գրունտում՝ հիմնական տեղում՝ բույսը բույսից 40 սմ հեռավորության վրա։
Ծաղկում է երկրորդ տարում։ Մեր պայմաններում, հատկապես ստորին և միջին լեռնային գոտիներում ձմռանը անհրաժեշտ է բույսերը ծածկել, որպեսզի արմատամազիկը և արմատները չցրտահարվեն։ Խոշորածաղիկ տեսակներն ավելի զգայուն են ցածր ջերմաստիճանների նկատմամբ, այդ պատճառով էլ խորհուրդ է տրվում մշակել միայն ցածրադիր և միջին գոտիների պայմաններում (հատկապես՝ հարավային թեքության լանջերում)։ Կարելի է օգտագործել ծաղկային բոլոր տիպի ձևավորումներում, հատկապես լանդշաֆտային մանրապուրակներում, միքսբորդերներում, քարապարտեզներում։ Օգտագործվում է նաև կտրելու ծաղիկներ ստանալու համար[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.