From Wikipedia, the free encyclopedia
«Եփրատի վահան» ռազմագործողություն» (թուրքերեն՝ Operasyon "Fırat Kalkanı"), ռազմական գործողություն, որը իրականացրել Թուրքիայի զինված ուժերը Սիրիայի ազատ բանակի օժանդակությամբ՝ ընդդեմ ԻԼԻՊ-ի գրոհայինների։ Ռազմագործողությունը տեղի է ունեցել Ջարաբուլուս քաղաքում։
«Եփրատի վահան» ռազմագործողություն | |||||||||
---|---|---|---|---|---|---|---|---|---|
Սիրիական ճգնաժամ | |||||||||
Ջարաբուլուսի շրջանը Սիրիայի քարտեզի վրա | |||||||||
| |||||||||
Հակառակորդներ | |||||||||
Թուրքիա
Ահրար աշ Շամ[1] |
ԻԼԻՊ | ||||||||
Կողմերի ուժեր | |||||||||
մոտ 5000 զինծառայող | անհայտ | ||||||||
Ռազմական կորուստներ | |||||||||
3 զոհ, 2 վիրավոր[3][4] (թուրքական տվյալներ) | մոտ 100 զոհ(թուրքական տվյալներ) | ||||||||
Ընդհանուր կորուստներ | |||||||||
զոհվել է ավելի քան 29 քաղաքացի[5] (քրդական տվյալներ) 3000 էթնիկ քուրդ լքել է Ջերալբուս[6] (քրդական տվյալներ) |
Թուրքիայի նախագահ Ռեջեփ Թայիփ Էրդողանը հայտարարել է, որ ռազմագործողությունը ուղղված է ԻԼԻՊ-ի և «Թուրքիայի անվտանգությանը սպառնացող Սիրիայի քրդերի դեմ»[7][8]։
2016 թվականի օգոստոսի 20-ին գրոհայինների մեծ խումբը, շուրջ 50 մեքենաներով, հարձակում կատարեց Սիրիա-թուրքական սահմանի վրա գտնվող Ջարաբուլուս քաղաքի վրա[9]։
Օգոստոսի 22-ին, ի պատասխան Գազիանթեփեում տեղի ունեցած ահաբեկչության, Թուրքիայի զինված ուժերը հասցրել են 60 ավիահարված ԻԼԻՊ-ի և քրդերի դիրքերին և հենակետերին[10]։ Քարքամըշի բնակիչները ռազմագործողության սկզբից ևեթ արդեն իսկ տարհանվել էին։
Օգոստոսի 24-ի վաղ առավոտյան թուրքական զինուժը գնդակոծեց Ջերաբուլուսում գրոհայինների հենակետերին։ Այդ ընթացքում Թուրքիայի ռազմաօդային ուժերը հասցրեցին 11 ավիահարված[11]։ Ավելի ուշ, թուրքական տանկերը հատել են սահմանը և միանալով Սիրիայի ազատ բանակի ուժերին, գրոհեցին քաղաքը[12]։ ԱՄՆ-ն հայտարարել է, որ ԻԼԻՊ-ի դեմ պայքարում կապահովի օդային պաշտպանությունը[13]։ Մի քանի ժամ անց, հարձակման սկզբնական շրջանում, թուրքական հատուկ ջոկատները և Շամ- Լեգիոնը իրենց հսկողության տակ վերցրեցին Տալ Կատիլա բնակավայրը[14]։ Միևնույն օրը գրոհայինները լքեցին քաղաքը և այն գրավվեց առանց մարտերի[15][16][17]։ ԻԼԻՊ-ի գրոհայինները նահանջեցին դեպի Էլ Բաբ[18]։
Օգոստոսի 25-ին թուրքական իշխանությունները պահանջեցին, որ քրդական կամավորական ջոկատները անցնեին Եփրատ գետի արևելյան ափը՝ սպառնալով, որ հակառակ դեպքում կհարձակվեն Սիրիայի հյուսիսային շրջանների վրա։ Թուրքիայի պաշտպանության նախարար Ֆիքրի Ըսիքը հայտարարեց, որ Սիրիայում թուրքական զինվորական օպերացիան ունի երկու նպատակ․ ապահովել Սիրիա-թուրքական սահման և հասնել նրան, որ «այնտեղ քրդեր չմնան»[19]։ Թուրքական կառավարությունը մտահոգված է, որ Սիրիայում քրդերի հաջողությունները կարող են հանգեցնել Թուրքիայի քրդերի ապստամբությանը։ Անկարայում պաշտոնական այցով գտնվող ԱՄՆ փոխնախագահ Ջո Բայդենը նույնպես պահանջեց, որ Սիրիայի դեմոկրատական ուժերը կատարեն Թուրքիայի պահանջները, սպառնալով, որ հակառակ դեպքում ԱՄՆ-ն կդադարի օգնել կամավորական ջոկատներին[19]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.