From Wikipedia, the free encyclopedia
Դավթի եղջերու (լատին․՝ Elaphurus davidianus)[1], նաև հայտնի է որպես միլու[1], եղջերուի տեսակ, որը հիմնականում հանդիպում է անազատության մեջ՝ գազանանոցներում և հատուկ արգելավայրերում։
Դավթի եղջերու | |
Դավթի եղջերու | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Քորդավորներ (Chordata) |
Ենթատիպ | Ողնաշարավորներ (Vertebrata) |
Դաս | Կաթնասուն (Mammalia) |
Կարգ | Երկսմբակավորներ (Artiodactyla) |
Ընտանիք | Եղջերուներ (Cervidae) |
Ցեղ | Elaphurus |
Տեսակ | Դավթի եղջերու (E. davidianus) |
Միջազգային անվանում | |
Elaphurus davidianus A. Milne-Edwards, 1866 | |
Կարգավիճակ | |
Հատուկ պահպանության կարգավիճակ՝ ![]() Անհետացած վայրի բնության մեջ |
Դավթի եղջերուի մարմնի երկարությունը 150-215 սմ է, բարձրությունն ուսերից հաշված՝ 115-140 սմ, մարմնի կենդանի զանգվածը՝ 150-200 կգ, պոչի երկարությունը 50 սմ է, իսկ վերջնամասում առկա է մազափունջ։ Մարմնի վերին հատվածներն ամռանը կարմրաշագանակագույն է, փորի հատվածը՝ բաց գորշավուն։ Ձմռանը մեջքի հատվածում մազերի շերտը հաստանում է և փոխում է գույնը ( մուգ խարտյաշ), իսկ փորի հատվածը դառնում է բաց կաթնագույն։ Կենդանու գլուխը նեղ է և երկար, աչքերը փոքր են և արտահայտիչ, ականջները՝ սրածայր։ Աչքերի և շուրթերի շուրջը մորթին բաց մոխրագույն է, արուները վզի հատվածում ունեն փոքր բաշանման գոյացություն։ Ոտքերը երկար են, կճղակները լայն են և հարմարեցված են ճահճային տարածքներում քայլելու համար։ Արուի եղջյուրները կլորավուն են, աճում են դեպի հետ։ Եղջյուրները փոխվում են տարին 2 անգամ՝ առաջին զուգը հայտնվում է ամռանը, փոխվում՝ նոյեմբերին, իսկ երկրորդ զույգը հայտնվում է հունվարին և փոխվում է մի քանի շաբաթվա ընթացքում։ Էգերը, որպես կանոն, եղջյուրներ չունեն։
Եջերուների ընտանիքի այս ներկայացուցիչը տարածված է Չինաստանում։ Ապրում է Չինաստանի հյուսիսարևելյան հատվածներում գտնվող ճահճային տարածքներում։
Սննդի հիմնական մասը կազմում են բույսերը։ Ամառվա ընթացքում հաճախ ուտում են տարբեր ջրային բույսեր։
Բազմացման շրջանից երկու ամիս առաջ արուն լքում է իր խումբը և միանում էգերի խմբին մինչև բեղմնավորումը։ Արուներն այս ժամանակահատվածում սկսում են քիչ սնվել և նիհարել, քանի որ շատ են պաշտպանում էգերին այլ արուներից։ Հղիությունը տևում է 280 օր։ Ձագերը սովորաբար ծնվում են ապրիլ կամ մայիս ամիսներին։ Ունենում է մեկ կամ երկու ձագ, որոնք կշռում են 11 կգ։ Էգերը սեռահասուն են դառնում կյանքի 2,3 տարում, իսկ արուները՝ մեկ տարի ուշ։
Դավիթի եղջերուների հետագա վերարտադրությունը գալիս է Մեծ Բրիտանիայում մնացած 16 առանձնյակներից, որոնց սկսել են աստիճանաբար բուծել աշխարհի տարբեր կենդանաբանական այգիներում, այդ թվում՝ 1964 թվականից սկսած, Մոսկվայի և Սանկտ Պետերբուրգի կենդանաբանական այգիներում[2]։
Ընդգրկված է ԲՊՄՄ Կարմիր գրքում՝ «Վայրի բնության մեջ անհետացած» (Extinct in the Wild) կարգավիճակով։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.