«Գիրք հարցմանց», Գրիգոր Տաթևացու աշխատությունը։ Շարադրումը ավարտվել է 1397 թվականին, Տաթևի համալսարանում։ «Գիրք հարցմանց»-ը միջնադարյան գիտելիքների մի համապարփակ հանրագիտարան Է, ուր փիլիսոփայական խնդիրներից զատ հարց ու պատասխանի ձևով քննարկվում են բազմապիսի կրոնադավանաբանական խնդիրներ, նաև վիճարկվում են իսլամի հիմնական դրույթները։ Զգալի տեղ է հատկացված բնագիտական, մանկավարժական, սոցիալ-քաղաքական և տնտեսագիտական հարցերին։ «Գիրք հարցմանց»-ում շարադրված են Գրիգոր Տաթևացու իմացաբանությունը, տրամաբանական ու հոգեբանական հայացքները, արտահայտվել են հեղինակի նոմինալիզմը և սենսուալիզմը, նրա մատերիալիստական միտումները։ «Գիրք հարցմանց»-ի բազմաթիվ ձեռագիր օրինակներ պահպանվում են Երևանի Մեսրոպ Մաշտոցի անվան Մատենադարանում և արտասահմանյան հավաքածուներում։ Միակ հրատարակությունը (1729, Կ․ Պոլիս) պատկանում է տպագրիչ Մահտեսի Աստվածատուրին, որտեղ, սակայն, բաց է թողնված «ԸնդդԷմ տաճկաց» գլուխը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 89)։ ![](//upload.wikimedia.org/wikipedia/commons/b/bf/CC_BY-SA_icon_80x15.png) |
Անվան այլ կիրառումների համար տե՛ս՝ Գիրք հարցմանց (այլ կիրառումներ)
Արագ փաստեր Գիրք հարցմանց, Հեղինակ ...
Գիրք հարցմանց |
---|
![](//upload.wikimedia.org/wikipedia/hy/9/94/%D4%B3%D5%AB%D6%80%D6%84_%D5%B0%D5%A1%D6%80%D6%81%D5%B4%D5%A1%D5%B6%D6%81_%28%D5%A1%D5%B7%D5%AD%D5%A1%D5%BF%D5%B8%D6%82%D5%A9%D5%B5%D5%B8%D6%82%D5%B6%29.jpg) |
Հեղինակ | Գրիգոր Տաթևացի |
---|
Ժանր | հանրագիտարան |
---|
Բնօրինակ լեզու | հայերեն |
---|
Ստեղծման տարեթիվ | 1397 թ. |
---|
Հրատարակիչ | Մահտեսի Աստվածատուր |
---|
Հրատարակման տարեթիվ | 1729 թ. |
---|
Թվային տարբերակ | aua.am կայքում |
---|
Փակել