Բյուրեղավան

Բյուրեղավան, քաղաք Հայաստանի Կոտայքի մարզի հարավարևմտյան հատվածում։ Հեռավորությունը մարզկենտրոն Հրազդան քաղաքից 43 կմ է, մայրաքաղաք Երևանից՝ 20 կմ։ նախկինում կոչվել է Արզնի բանավան։

Քաղաք
Բյուրեղավան
Երկիր	Հայաստան
Մարզ	ԿոտայքԿոտայք
Համայնք	Կոտայքի մարզ
Քաղաքապետ	Հակոբ Բալասյան
Հիմնադրված է	1945 թ.
Այլ անվանումներ	Արզնի
Մակերես	4 կմ²
ԲԾՄ	1300 մ
Պաշտոնական լեզու	Հայերեն
Բնակչություն	9 500[1] մարդ (2015)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	բյուրեղավանցի
Ժամային գոտի	UTC+4
Հեռախոսային կոդ	+374 (222)
Փոստային ինդեքս	2214
Փոստային դասիչ	2214
Պաշտոնական կայք	byureghavan.am
Բյուրեղավան (Հայաստան)
Բյուրեղավան Վիքիպահեստում

Աշխարհագրություն

Բյուրեղավան քաղաքի վարչական տարածքը կազմում է 372.48 հեկտար։ Քաղաքը արևելքից, հարավից և արևմուտքից սահմանակից է Արզնի գյուղական համայնքին, արևմուտքից և հյուսիսից՝ Նուռնուսի գյուղական համայնքին։

Պատմություն

Հիմնադրվել է 1945 թվականին, որպես Արզնիի ապակու տարաների գործարանի բանավան և կոչվել է Արզնի բանավան։ 1974 թվականին ստացել է քաղաքատիպ ավանի կարգավիճակ և անվանակոչվել Բյուրեղավան։ 1994 թվականին Բյուրեղավանին տրվել է քաղաքի կարգավիճակ^[2]։

Խորհրդային տարիներին Բյուրեղավանը հանդիսացել է արդյունաբերական խոշոր կենտրոն։ Քաղաքը գտնվում է առողջարանային գոտում՝ «Արզնի» հայտնի առողջարանի անմիջական հարևանությամբ։

Կլիմա

Կլիման մեղմ է, ամառը՝ զով, ձմեռը՝ ոչ ցրտաշունչ։

Հանքային ջրեր

Բյուրեղավանի «Արզնի» հանքային ջրերի աղբյուրները ունեն 15 լ/վրկ ելք^[3]։

Բնակչություն

Բնակիչները ՀՀ տարբեր բնակավայրերից են, 1988-1992 թվականներին բնակչությունը համալրվել է նաև Ադրբեջանից բռնի տեղահանված հայերով։

Բյուրեղավանի ազգաբնակչության փոփոխությունը.^[4]

Տարի	1979	1989	1991	2001	2011	2015
Բնակիչ	6000	10373	10800	8152	9513[5]	9500

Տնտեսություն

Բյուրեղավանում գործում են բյուրեղապակու, Նուռնուսի քարի մշակման և այլ գործարաններ։

Տես նաև

• Բյուրեղավանի պատմության և մշակույթի անշարժ հուշարձանների ցանկ (Կոտայքի մարզ)