Արքե (արբանյակ)
From Wikipedia, the free encyclopedia
Արքե (հուն․՝ Ἀρχή), Յուպիտերի անկանոն բնական արբանյակներից է, ունի հակադարձ շարժում։ Հայտնաբերվել է Հավայան համալսարանի աստղագետների խմբի կողմից, որը ղեկավարում են Սքոթ Շեփարդը և Դևիդ Ջուիտը, հայտնաբերման մասին հայտնվել է 2002 թվականին, սկզբում արբանյակը ստացել է S/2002 J 1 ժամանակավոր անվանումը[1][3]։
Արքե (Յուպիտեր XLIII) Arche | |
---|---|
Արբանյակի հայտնաբերման լուսանկարը | |
Հիմնական տվյալներ | |
Հայտնաբերվել է | 31 հոկտեմբեր 2002[1] թ. (Սքոթ Շեփարդի կողմից) |
Բացարձակ մեծություն (H) | 22,8[2] |
Հեռավորությունը Յուպիտեր | 23 717 000 կմ[2] |
Ուղեծրային տվյալներ | |
Էքսցենտրիսիտետ | 0,149[2] |
Սիդերիկ պարբերություն | 746,185 օր[2] |
Թեքվածություն | 165° (խավարածրի հարթության նկատմամբ) 162° (Յուպիտերի հասարակածի նկատմամբ)[2] |
Ֆիզիկական հատկանիշներ | |
Շառավիղ | ~1,5 կմ (ենթադրված) |
Զանգված | ~4,5×1013 կգ (ենթադրված) |
Միջին խտություն | 2,6 գ/սմ3 (ենթադրված) |
Ալբեդո | 0,04 (ենթադրություն) |
Մթնոլորտային տվյալներ |
Արքեն ունի մոտ 3 կմ տրամագիծ, և պտտվում է Յուպիտերի շուրջ միջինում 23 717 000 միլիոն կմ հեռավորության վրա, 746,185 օրվա ընթացքում[1][2]։ Արբանյակի ուղեծրի թեքումը կազմում է 165° խավարածրի հարթության նկատմամբ (162° Յուպիտերի հասարակածի նկատմամբ), իսկ էքսցենտրիսիտետը 0,149 է[1][2]։
Արքեն պատկանում է Կարմեի խմբին, որի արբանյակները ունեն հակադարձ շարժում, հեռավորությունը մոլորակից ընկնում է 23 - 24 գիգամետր միջակայքում, իսկ ուղեծրի թեքումը մոտ 165° է։
Արբանյակի անունը տրվել է 2005 թվականին, այն անվանվել է որոշ աղբյուրների համաձայն Հունական դիցաբանության չորրորդ մուսա Արքեի անունով[4]։