Ավիշ
From Wikipedia, the free encyclopedia
Ավիշ (լատին․՝ lympha՝ մաքուր ջուր, հեղուկ), մարդու օրգանիզմի ներքին միջավայրի բաղադրիչ, հեղուկ շարակցական հյուսվածքի տարատեսակ, որը կաթնասպիտակավուն թափանցիկ հեղուկ է. միջբջջային հեղուկից ջուրը և որոշ նյութեր անարգել անցնում են հյուսվածքներում սկիզբ առնող ավշային մազանոթների մեջ և վերածվում ավշի։ Նրա բաղադրության մեջ կան ամինաթթուներ, սպիտակուցներ, ածխաջրեր, ճարպեր, հանքային աղեր, կենսաբանորեն ակտիվ նյութեր, նյութափոխանակության արգասիքներ։ Սակայն սպիտակուցների պարունակությունը ավշի մեջ 3-4 անգամ փոքր է, քան արյան մեջ։ Ավշի մեջ կան նաև լեյկոցիտներ, որոնք վնասազերծում են նրա մեջ թափանցած օտարածին մասնիկները և թունավոր նյութերը։ Տարբեր օրգաններից հոսող ավշի բաղադրությունը միանման չէ։ Օրական արյան մեջ է ներթափանցում 2-3 լ ավիշ։
![Thumb image](http://upload.wikimedia.org/wikipedia/commons/thumb/b/b4/Illu_lymph_capillary_de.png/320px-Illu_lymph_capillary_de.png)
![Thumb image](http://upload.wikimedia.org/wikipedia/commons/6/66/Lymphatic_system.png)
![Thumb image](http://upload.wikimedia.org/wikipedia/commons/thumb/e/ee/Illu_lymph_node_structure_de.png/320px-Illu_lymph_node_structure_de.png)
![Thumb image](http://upload.wikimedia.org/wikipedia/commons/thumb/4/48/Homa_limfo_001.jpg/640px-Homa_limfo_001.jpg)