Առաջին իտալա-եթովպական պատերազմ
From Wikipedia, the free encyclopedia
Առաջին իտալա-եթովպական պատերազմ, Իտալիայի առաջին գաղութային պատերազմն ընդդեմ Եթովպիայի։ 1895-1896 թվականների պատերազմն սկսվեց 1895 թվականի վերջին իտալական զորքերի կողմից հյուսիսային-եթովպիայի մի շարք քաղաքների գրավումով։ 1895 թվականի դեկտեմբերի 7-ին Եթովպիայի զորքերը Ամբա-Ալագիի մոտ առաջին խոշոր հաղթանակը տարան իտալական զորամասերի նկատմամբ։ 1896 թվականի մարտի 1-ին Ադուվա (Ադուա) քաղաքի մոտ տեղի ունեցած ճակատամարտում իտալական բանակը խոշոր պարտություն կրեց։
1896 թվականի հոկտեմբերի 26-ին Ադիս Աբեբայում կնքվեց հաշտության պայմանագիր, որով Իտալիան ճանաչեց Եթովպիայի լրիվ ինքնիշխանությունը։