իտալացի ֆուտբոլիստ From Wikipedia, the free encyclopedia
Անտոնիո Յուլիանո (իտալ.՝ Antonio Juliano, դեկտեմբերի 26, 1942, Նեապոլ, Իտալիա - դեկտեմբերի 13, 2023[1][2], Նեապոլ, Իտալիա), իտալացի ֆուտբոլիստ էր, որը խաղում էր կիսապաշտպանի դիրքում[3]։
Անտոնիո Յուլիանո իտալ.՝ Antonio Juliano | |||
---|---|---|---|
![]() | |||
Քաղաքացիությունը |
![]() | ||
Ծննդյան ամսաթիվ | դեկտեմբերի 26, 1942 | ||
Ծննդավայր | Նեապոլ, Իտալիա | ||
Մահվան ամսաթիվ | դեկտեմբերի 13, 2023[1][2] (80 տարեկան) | ||
Մահվան վայր | Նեապոլ, Իտալիա | ||
Հասակ | 176 սանտիմետր | ||
Քաշ | 72 կիլոգրամ | ||
Դիրք | կիսապաշտպան | ||
| |||
| |||
| |||
| |||
|
Անտոնիո Յուլիանոն ծնվել է 1942 թվականի դեկտեմբերի 26-ին Նեապոլում[4]։ Յուլիանոն իր ակումբային կարիերայի մեծ մասն անցկացրել է հայրենի քաղաքի «Նապոլի» ակումբում՝ երիտասարդական կազմերի միջով անցնելուց հետո[5][6]։ Նա նվաճել Է Իտալիայի երկու գավաթ (1962 և 1976 թվականներին)[7], Իտալիայի պատանիների գավաթ «Ալպին» (1966 թվականին) և անգլո-իտալական լիգայի գավաթը (1976 թվականին)[5][8]։
1978 թվականին «Նապոլիից» հեռանալուց հետո նա ևս մեկ մրցաշրջան է անցկացրել Բոլոնիա ֆուտբոլային ակումբում, այնուհետև ավարտել է կարիերան 1979 թվականին[6][8][9]։
1966-1974 թվականներին Յուլիանոն Իտալիայի գլխավոր հավաքականի կազմում անցկացրել է 18 հանդիպում[3] և եղել է Եվրո 1968 թվականի հաղթող թիմի անդամ[5][7]։
Յուլիանոն ընդգրկվել է նաև Իտալիայի ֆուտբոլի ազգային հավաքականի կազմում ֆուտբոլի աշխարհի երեք տարբեր առաջնություններում՝ մրցումների մասնակցելով 1966 թվականին[10], 1970 թվականին[11] և 1974 թվականին[12]։ Այնուամենայնիվ, նա աշխարհի առաջնությունում անցկացրեց ընդամենը մեկ հանդիպում՝ փոխարինման դուրս գալով 1970 թվականի աշխարհի առաջնության եզրափակչում Բրազիլիայից 4:1 հաշվով պարտություն կրած խաղի ժամանակ[8][13]։
Լինելով կրեատիվ խաղարկող՝ Յուլիանոն հայտնի էր, մասնավորապես, իր առաջնորդական հատկանիշներով[5][9], ինչպես նաև հեռատեսությամբ, գնդակի վերահսկմամբ, դիմացկունությամբ և փոխանցման հեռահարությամբ[9][14]։
Կարիերան ավարտելուց հետո Յուլիանոն վերադարձել է «Նապոլի»՝ որպես մարզչական տնօրեն[9]։
Յուլիանոն մահացել է Նեապոլում 2023 թվականի դեկտեմբերի 13-ին 80 տարեկանում[5][6][9] կարճ հոսպիտալացումից հետո[5][6]։
Նապոլի
Իտալիա
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.