Աննա Զեգերս

Աննա Զեգերս (գերմ.՝ Anna Seghers, իսկական անուն-ազգանունը՝ Նեթի Ռադվանի (Netty Radványi), ի ծնե ազգանունը՝ Ռեյլինգ (գերմ.՝ Reiling), նոյեմբերի 19, 1900(1900-11-19)^[1][2][3], Մայնց, Գերմանական կայսրություն^[4][1] - հունիսի 1, 1983(1983-06-01)^{[5][6][2][…]}, Արևելյան Բեռլին), գերմանացի գրող (ԳԴՀ)։ 1928 թվականից Գերմանիայի կոմկուսի, 1947 թվականից՝ ԳՄՍԿ անդամ։

Աննա Զեգերս գերմ.՝ Anna Seghers
Ծննդյան անուն	գերմ.՝ Netty Reiling և գերմ.՝ Netti Reiling
Ծնվել է	նոյեմբերի 19, 1900(1900-11-19)[1][2][3]
Ծննդավայր	Մայնց, Գերմանական կայսրություն[4][1]
Վախճանվել է	հունիսի 1, 1983(1983-06-01)[5][6][2][…] (82 տարեկան)
Վախճանի վայր	Արևելյան Բեռլին
Գերեզման	Դորթեենշտադտի գերեզմանատուն
Գրական անուն	Anna Seghers
Մասնագիտություն	վիպասան, Դիմադրության մարտիկ և գրող
Քաղաքացիություն	Արևելյան Գերմանիա և  Գերմանական ռայխ
Կրթություն	Հայդելբերգի համալսարան (1922) և Կյոլնի համալսարան (1920)
Գիտական աստիճան	դոկտորի աստիճան
Ժանրեր	գիտական ֆանտաստիկա
Ուշագրավ աշխատանքներ	The Seventh Cross?
Անդամակցություն	ԳԴՀ Արվեստների ակադեմիա, Association of Proletarian-Revolutionary Authors?, Q1596407? և Schriftstellerverband der DDR?
Կուսակցություն	Գերմանիայի կոմունիստական կուսակցություն և Գերմանական սոցիալիստական միասնական կուսակցություն
Պարգևներ	«Հայրենիքին մատուցած ծառայությունների համար» ոսկե շքանշան Բեռլինի պատվավոր քաղաքացի Յոհանես Ռ. Բեխերի մեդալ Հենրիխ Կլեյստի անվան մրցանակ և Ենայի համալսարանի պատվավոր դոկտոր
Ամուսին	Յոհան Լորենց Շմիդտ
Զավակներ	Պիեր Ռադվանյի և Ruth Radvanyi?
Կայք	anna-seghers.de
Աննա Զեգերս Վիքիդարանում
Anna Seghers Վիքիպահեստում

Կենսագրություն

Սովորել է Քյոլնի և Հայդելբերգի համալսարաններում։ 1933-1947 թվականներին եղել է տարագրության մեջ (Ֆրանսիա, Մեքսիկա)։ Աննա Զեգերսի անդրանիկ ստեղծագործությունները՝ «Կնորսների ապստամբությունը» (1928), «Ուղեկիցները» (1932), նվիրված են տարբեր երկրների կոմունիստների հեղափոխական պայքարին։ «Գնահատված գլուխը» (1933) վիպակում և «Ազատագրում» (1937) վեպում նկարագրված է գյուղացիների ու բանվորների կյանքը ֆաշիստների իշխանության գլուխ անցնելու նախօրեին, «Յոթերորդ խաչը» (1942, անգլ․, 1946, գերմ․) վեպում, որը պատկերում է կոմունիստի փախուստը համակենտրոնացման ճամբարից, արտացոլված է Գերմանիայի հայրենասերների անկոտրում հավատը գերմանական ժողովրդի ապագայի նկատմամբ։ «Մեռածները երիտասարդ են մնում» (1949, հայ․ հրտ․ 1954) վեպում տրված է հասարակական տարբեր խավերի գերմանացիների ճակատագիրը։ «Որոշում» (1959) և «Վստահություն» (1968) վեպ-հերոսապատումներում հեղինակը դնում է սուր հարցեր, որոնց ծնունդ է տվել Գերմանիայի բաժանումը երկու մասի։ Զեգերսը սոցիալիստական ռեալիզմի վարպետներից է։ Նրա արձակին հատուկ է հոգեբանական վերլուծության արվեստը, բարոյական հարցադրումների խորությունը։ Նա խաղաղության համաշխարհային խորհրդի, լենինյան միջազգային մրցանակների կոմիտեի, արվեստների գերմանական ակադեմիայի անդամ է։ Բազմիցս ընտրվել է Գերմանական գրողների միության նախագահ։ Արժանացել է «Ժողովուրդների միջև խաղաղության ամրապնդման համար» լենինյան միջազգային մրցանակի (1951), ԳԴՀ-ի ազգային մրցանակի (1951, 1959)։ Պարգևատրվել է Աշխատանքային կարմիր դրոշի (ՍՍՀՄ) և ԳԴՀ-ի «Ժողովուրդների բարեկամության մեծ աստղ» շքանշաններով։

1967 թվականին եղել է Հայաստանում, Դիլիջանում գրել է «Իսկական կապույտը» պատմվածքը^[7]։

Աննա Զեգերսը հայերեն

• Մեռածները երիտասարդ են մնում (վեպ), Ե., Հայպետհրատ, 1954, 596 էջ։ Թարգմ.՝ Ս. Սաղյան, Գ. Մարտիրոսյան։

Ստեղծագործություններ

• 1933 — Գնահատված գլուխը (գերմ.՝ Der Kopflohn)
• 1935 — Ճանապարհ փետրվարին (գերմ.՝ Der Weg durch den Februar)
• 1942 — Յոթերորդ խաչը (գերմ.՝ Das siebte Kreuz)
• 1944 — Տրանզիտ (անգլ.՝ Transit Visa — 1944, գերմ.՝ Transit — 1947)
• 1946 — Մեռած աղջիկների զբոսանքը (գերմ.՝ Der Ausflug der toten Mädchen)
• 1949 — Մեռածները երիտասարդ են մնում (գերմ.՝ Die Toten bleiben jung)
• 1949 — Հարսանիք Հայիթիում (գերմ.՝ Die Hochzeit von Haiti)
• 1959 — Որոշում (գերմ.՝ Die Entscheidung)
• 1961 — Լույս կառափնարանում (գերմ.՝ Das Licht auf dem Galgen)
• 1962 — Կարիբյան էսքիզներ (գերմ.՝ Karibische Geschichten)
• 1968 — Վստահություն (գերմ.՝ Das Vertrauen)
• 1980 — Երեք կին Հայիթիից (գերմ.՝ Drei Frauen aus Haiti)

Ծանոթագրություններ

1. Wall R. Verbrannt, verboten, vergessen (գերմ.): kleines Lexikon deutschsprachiger Schriftstellerinnen 1933 bis 1945 — 2 — Kn: Pahl-Rugenstein Verlag, 1989. — S. 174—178. — ISBN 978-3-7609-1310-0
2. Կերպարվեստի արխիվ — 2003.
3. https://tritius.kmol.cz/authority/865275 (չեխերեն)
4. Краткая литературная энциклопедия (ռուս.) — М.: Советская энциклопедия, 1962. — Т. 2.
5. Բեռլինի գեղարվեստի ակադեմիա — 1696.
6. Kritisches Lexikon der Gegenwartsliteratur (գերմ.) / Hrsg.: H. L. Arnold, H. Korte — 1978.
7. «Գրական թերթ», 1969, № 6:

Գրականություն

• Գ. Մարտիրոսյան, Հանդիպում Աննա Զեգերսի հետ։ «Գրական թերթ», 1969, № 6:

Արտաքին հղումներ

• Գերմանական մամուլը Աննա Զագերսի գրքերի մասին (գերմ.)
• Зегерс Анна // Большая Советская Энциклопедия, 3-е издание

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 680)։

Վիքիդարանն ունի նյութեր, որոնք վերաբերում են «Աննա Զեգերս» հոդվածին։

Վիքիպահեստն ունի նյութեր, որոնք վերաբերում են «Աննա Զեգերս» հոդվածին։