From Wikipedia, the free encyclopedia
Կարոլինա Միրոսլավովնա Կուեկ (ուկրաիներեն՝ Кароліна Мирославівна Куєк) հայտնի է որպես Անի Լորակ (ուկրաիներեն՝ Ані Лорак) (սեպտեմբերի 27, 1978[1][2], Կիցման, Չեռնովցիի մարզ, Ուկրաինական ԽՍՀ, ԽՍՀՄ), ուկրաինացի ժողովրդական, էստրադային երգչուհի[3]։
Անի Լորակ | |
---|---|
![]() | |
Բնօրինակ անուն | ուկրաիներեն՝ Ані Лорак |
Ի ծնե անուն | ուկրաիներեն՝ Кароліна Мирославівна Куєк |
Ծնվել է | սեպտեմբերի 27, 1978[1][2] (45 տարեկան) Կիցման, Չեռնովցիի մարզ, Ուկրաինական ԽՍՀ, ԽՍՀՄ |
Երկիր | ![]() ![]() ![]() |
Ժանրեր | փոփ, փոփ ռոք, սինթիփոփ, դենս փոփ, սոուլ, դիփ հաուս և էլեկտրոնային երաժշտություն |
Մասնագիտություն | երգչուհի, կոմպոզիտոր, բանաստեղծուհի, մոդել, դերասանուհի, հաղորդավար, ռեստորատոր, գրող, ֆոտոմոդել, հեռուստահաղորդավարուհի և ձեռնարկատեր |
Գործիքներ | դաշնամուր և վոկալ |
Լեյբլ | Moon Records Ukraine, United Music Group, Lavina Music? և Warner Music Russia |
Կրթություն | Կիևի ազգային մշակույթի և արվեստի համալսարան |
Ամուսին | Yuriy Falyosa? |
Պարգևներ | |
Կայք | anilorak.ua |
Ստորագրություն | |
![]() |
2008 թվականին մասնակցել է Եվրատեսիլ 2008 երգի մրցույթին, որտեղ ներկայացրել է Shady Lady երգը և զբաղեցրել 2-րդ հորիզոնականը։ Ստացել է նաև այլ մրցանակներ՝ «Ոսկի գրամաֆոն», «Տարվա երգչուհի», «Տարվա մարդ», «Տարվա երգ», իսկ հետո հինգ «ոսկի» և երկու պլատինե սկավառակներ։ Ձայնի դիապազոնը՝ 4.5 օկտավա[4]։
Անի Լորակը ծնվել է Ուկրաինական ԽՍՀ-ի Չեռնովցիի մարզի Կիցմանի շրջանի Կիցման քաղաքում։
Աղջկա ծնողները բաժանվել էին դեռ նրա ծնվելուց առաջ։ Բայց, չնայած դրան, երգչուհու մայրը` Ժաննա Վասիլեևնան, աղջկան տվեց հոր ազգանունը։ Աղջկա մանկությունն անցել է աղքատության մեջ։ Մայրն ամբողջովին նվիրվել է աշխատանքին, որ կարողանա կերակրել իր երեխաներին։ Դա է պատճառը, որ ստիպված էր 6 տարի աղջկան ուղարկել Չեռնովցիի Սադգորսկի համար 4 գիշերօթիկ դպրոցը, որտեղ աղջիկը եղբայրների հետ միասին սովորեց մինչև 7-րդ դասարան[5] (ուներ 3 եղբայր, սակայն ավագը`Սերգեյը, մահացել էր Աֆղանիստանի պատերազմի ժամանակ, երբ Անին 9 տարեկան էր[6]):
Ցանկությունը` դառնալ երգչուհի, ի հայտ է եկել դեռ 4 տարեկանում։ Սկսել է մասնակցել դպրոցական տարբեր երգի միջոցառումների։ 1992 թվականին մասնակցել է Չեռնովցիում տեղի ունեցող փառատոնին և հաղթել։ Հավանաբար այդտեղ է ծանոթացել պրոդյուսեր Յուրի Ֆալյոսի հետ և ստորագրել իր առաջին պայմանագիրը:
1992 թվականին մասնակցել է Չեռնիվցիի «Первоцвет» փառատոնին[7]։ Հենց այստեղ էլ Կառոլինան ծանոթացավ պրոդյուսերի՝ Յուրի Ֆալեսոյի հետ և ստորագրեց իր առաջին մասնագիտական պայմանագիրը[7][8]:
Երիտասարդ երգչուհուն հայտնի դարձրեց ռուսական հեռուստածրագիրը՝ «Утренняя звезда»-ը, որը թողարկվել է 1995 թվականի մարտին։
Հենց այդ ժամանակ էլ Կարոլինան հայտնի դարձավ որպես Անի Լորակ։ Կարոլինան հանդես եկավ որպես Անի՝ Կարոլինա անվան հակառակ ընթերցմամբ[7]։
1995 թվականի աշնանը ավարտվեց «Хочу летать» (Թռչել եմ ուզում) ալբոմի ձայնագրումը։ Ալբոմն իր մեջ պարունակում էր ջազ-ռոքի տարրեր։ 1996 թվականին նա հաղթեց Նյու-Յորքում տեղի ունեցած «Big Apple Music 1996 Competition» մրցույթում։
1999 թվականի սկզբին Անի Լորակը սկսեց իր շրջագայությունները՝ ԱՄՆ-ում, Ֆրանսիայում, Գերմանիայում, Հունգարիայում և Ուկրաինիայի խոշորագույն քաղաքներում։
1999 թվականին նա ճանաչվեց Ուկրաինայի ամենաերիտասարդ վաստակավոր արտիստ։ Նույն տարում երգչուհին հանդիպեց ռուս հայտնի կոմպոզիտոր Իգոր Կրուտոյին։
2009 թվականի oգոստոս 15-ին ամուսնացել է «Turtes Travel» տուրիստական գործակալության սեփականատերերից մեկի՝ ազգությամբ թուրք Մուրատ Նալչարջիօղլիի հետ[9]։
Դուստրը՝ Սոֆիա Մուրատովնա Նալչադժիօղլուն (ծնվ. 9 հունիսի, 2011) 2012 թվականի ապրիլի 7-ին Կիևում մկրտվեց, կնքահայրը Ֆիլիպ Կիրկորովն էր[10]։
Սոֆիան Մոսկվայի Պավլովսկի գիմնազիայի ուսանողուհի է[11]։
2019 թվականի հունվարի 31-ին Մուրատ Նալչաջիօղլուն պաշտոնապես բաժանվեց[12][13]։ 2019 թվականից սկսած Անի Լորակը հանդիպում է Եգոր Գլեբի՝ Black Star Inc-ի երաժշտական պրոդյուսերի հետ[12]։
Ընտանիք
Հայրը՝ Միրոսլավ Իվանովիչ Կուեկը (ծն. 1947 թ. Հունվարի 2) Ուկրաինայի վաստակավոր լրագրող, աշխատում է տարածաշրջանային թերթի ՝ Վոլնե Ժիտթյայի համար։ Բանաստեղծ է, ամուսնացած է բանաստեղծուհի Սիլվիա Զայեցի հետ։
Մայրը՝ Ժաննա Վասիլևնա Լինկովան (ծնվ.նոյեմբերի 7-ին 1946), աշխատել է տարածաշրջանային ռադիոյում և հեռուստատեսությունում, ապրում է Չեռնիվցիում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.