Աբադան (Իրան)
քաղաք From Wikipedia, the free encyclopedia
քաղաք From Wikipedia, the free encyclopedia
Աբադան[5][6] (պարս.՝ آبادان), նավահանգստային քաղաք Իրանի հարավ-արևմուտքում՝ Խուզեստան նահանգում, Աբադանի շահրեստանի վարչական կենտրոնը։ Գտնվում է Իրաքի հետ սահմանին՝ Շատ ալ-Արաբ գետի դելտայի համանուն կղզում (68 կմ երկարություն և 3-19 կմ լայնություն), Պարսից ծոցից դեպի հյուսիս՝ 50 կմ հեռավորության վրա։ Օվկիանոսային նավերի համար մատչելի նավահանգիստ է։ Հանդիսանում է միջազգային օդանավակայան, նավթավերամշակման ու նավթաքիմիական արդյունաբերության կենտրոն[7]։
Քաղաք | ||||||
---|---|---|---|---|---|---|
Աբադան | ||||||
պարս.՝ آبادان | ||||||
Երկիր | Իրան | |||||
Օսթան | Խուզեստան | |||||
Շահրեստան | Աբադան | |||||
Համայնք | Կենտրոնական բախշ[1] | |||||
Քաղաքապետ | Մահմուդ Ռեզա Շիրազի[2] | |||||
ԲԾՄ | 6 մետր | |||||
Պաշտոնական լեզու | պարսկերեն | |||||
Բնակչություն | 231,476[3] մարդ (2016) | |||||
Տեղաբնականուն | աբադանցի, աբադանցիներ[4] | |||||
Ժամային գոտի | UTC+3:30 | |||||
Հեռախոսային կոդ | 0631 | |||||
Պաշտոնական կայք | abadan.ir(պարս.) | |||||
| ||||||
Ըստ ավանդության՝ քաղաքը հիմնադրվել է 8-9-րդ դարերում իսլամական սուրբ Աբբադի կողմից։ Աբբասյանների օրոք այն զարգացել է որպես նավահանգստային քաղաք, աղի աղբյուր և խսիրների արտադրության վայր։ Իբն Բատուտան Աբադանը նկարագրում է որպես փոքրիկ քաղաք աղի հովտում։ Այն հաճախ վեճերի առարկա էր դառնում հարևան պետությունների միջև։ 1847 թվականից դարձել է Պարսկաստանի մաս։ 1935 թվականին վերանվանվել է Աբադան։
20-րդ դարի սկզբին քաղաքի շրջանում հայտնաբերվել են նավթի հարուստ հանքավայրեր։ 1909-1913 թվականներին անգլո-պարսկական նավթային ընկերությունը այստեղ կառուցում է նավթավերամշակման գործարան, որը 1938 թվականին դարձավ այս ուղղության ամենամեծ ձեռնարկությունն աշխարհում։ Գործարանը պատկերված է եղել իրանական 100 ռիալ արժողությամբ թղթադրամների հակառակ կողմում՝ թողարկված 1965 և 1971-1973 թվականներին։
Քաղաքը մեծ վնաս է կրել Իրանա-իրաքյան պատերազմի ժամանակ և գրեթե լքվել է խաղաղ բնակիչների կողմից։ Նավահանգիստը և նավթավերամշակման գործարանը վերսկսել են աշխատանքը 1993 թվականին։
Ջերմաստիճանի և տեղումների տարեկան միջին ցուցանիշները Աբադանում | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | տարին |
բացարձակ առավելագույնը (°C) | 25 | 28 | 34 | 43 | 47 | 53 | 55 | 54 | 58 | 43 | 36 | 29 | 58 |
միջին առավելագույնը (°C) | 17 | 20 | 28 | 33 | 40 | 42 | 47 | 47 | 43 | 36 | 27 | 20 | 40 |
միջին ջերմաստիճանը (°C) | 12 | 13 | 20 | 26 | 35 | 38 | 40 | 40 | 36 | 29 | 22 | 15 | 29 |
միջին նվազագույնը (°C) | 7 | 9 | 13 | 18 | 23 | 26 | 28 | 27 | 23 | 18 | 14 | 9 | 17 |
բացարձակ նվազագույնը (°C) | −3 | −3 | 2 | 7 | 16 | 19 | 23 | 22 | 16 | 12 | 1 | −4 | −4 |
տեղումների քանակը (մմ) | 38 | 43 | 15 | 20 | 3 | 0 | 0 | 0 | 0 | 3 | 25 | 46 | 193 |
Աղբյուր՝ BBC Weather[8] |
Բնակչությունը 2016 թվականի մարդահամարի տվյալներով կազմում էր 231 476 մարդ, որոնք կազմում էին 66 470 տնտեսություն[9]։ Դեզֆուլը բնակչությամբ Խուզեսթան օսթանի երրորդ ամենախոշոր քաղաքն է Ահվազից և Դեզֆուլից հետո[10]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև[11].
Աբադանը նավթամշակման խոշոր կենտրոն է (տարեկան ավելի քան 30 մլն․ տոննա)։ Նավթատարներով կապված է նավթահանքերի հետ։ Դեպի Թեհրան և Սպահան գնացող խողովակաշարերի սկզբնակետն է։ Արտահանում է նավթամթերքներ և հում նավթ։ Առկա է Ամոնիակի, ծծմբի, էթիլենի արտադրություն։
Աբադան քաղաքն ունի միջազգային օդանավակայան և նավահանգիստ, որը հասանելի է օվկիանոսային նավերին։
Քաղաքում է գտնվում Աբադանի տեխնոլոգիական ինստիտուտը, որը հիմնադրվել է 1939 թվականին։ Ունի նավթի թանգարան։
Քաղաքում հիմնված է «Սանաթ Նավթ» ֆուտբոլային ակումբը։
Աբադանում հայ համայնք գոյություն ունի 1909 թվականից, երբ անգլո-իրանական նավթային ընկերությունում ծառայության անցան Թեհրանում և Թավրիզում բնակվող մի խումբ հայեր։ Առաջին համաշխարհային պատերազմի տարիներին նրանց միացան Արևմտյան Հայաստանից, հատկապես Վանից գաղթած հայեր։ 1923 թվականին համայնքն ուներ 400 մարդ, 1928 թվականի սկզբին հայերի թիվը 610 էր, իսկ 1938 թվականին՝ մոտ 2000 մարդ։ 1928 թվականին, Ռիզա Շահ Փահլավին երբ այցելել է Աբադան, հայերին ոսկե գավազան է նվիրել[17]։ 1969 թվականին Աբադանի հայերի թիվը հասնում էր 5000-ի։ Նրանք հիմնականում զբաղված են նավթարդյունաբերությամբ, ինչպես նաև առևտրով։ Համայնքն ունի վարժարան, եկեղեցի, մարզական ակումբ, «Գուսան» երգչախումբ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.