«Գորկեցիները ռազմաճակատին» հուշահամալիր
From Wikipedia, the free encyclopedia
From Wikipedia, the free encyclopedia
«Գորկեցիները ռազմաճակատին» հուշահամալիր (ռուս.՝ Мемориал «Горьковча́не — фро́нту»), հուշահամալիր Նիժնի Նովգորոդում՝ նվիրված Հայրենական մեծ պատերազմի ժամանակ գորկեցիների աշխատանային սխրանքների հիշատակին։ Գտնվում է Կրեմլի ներսում, Դմիտրովյան աշտարակի մոտ։
«Գորկեցիները ռազմաճակատին» հուշահամալիր | |
---|---|
Տեսակ | հուշահամալիր |
Ստեղծում | 1975 |
Երկիր | Ռուսաստան |
Բնակավայր | Նիժնի Նովգորոդ |
Շինության ձև | Հուշահամալիր |
Ներկա վիճակ | կանգուն |
Memorial "Gorky to the front" Վիքիպահեստում |
Նախագծի հեղինակներն են ճարտարապետներ Ս. Ա. Տիմոֆեևը, Բ. Ս. Նելյուբինը, Վ. Յա. Կովալյովը։
Հաղթանակի 30-րդ տարեդարձի կապակցությամբ Նիժնի Նովգորոդի Կրեմլում, Դմիտրովյան աշտարակի մոտ, 1975 թվականի մայիսի 8-ին բացվել է «Գորկեցիները ռազմաճակատին» մշտական ցուցահանդեսը՝ նվիրված Հայրենական մեծ պատերազմի տարիներին գորկեցիների աշխատանային սխրանքների հիշատակին։ Նույն օրը բացվել է հուշատախտակ Հայրենական մեծ պատերազմի տարիներին Գորկի քաղաքում և Գորկի մարզում ձևավորված միությունների պատվին։
1979 թվականին Գորկու քաղաքային գործադիր կոմիտեն որոշում է կայացրել. «Հաղթանակի 35-ամյակին Կրեմլի զենքի ցուցահանդեսին շնորհելու հուշահամալիրի կարգավիճակ։ Հուշահամալիրի տարածքում տեղադրել «Գորկեցիները ռազմաճակատին» հուշատախտակ»: Հուշատախտակը տեղադրվել է 1980 թվականի մայիսի 8-ին։
Հուշարձանի մուտքի մոտ կա գրանիտե սալերով երեսապատված հուշատախտակ։ Սալաքարերից մեկի վրա փորագրված է տեքստ. «Սերնդեսերունդ կփոխանցվի խոսքը նրանց մասին, ովքեր սարսափելի փորձությունների ժամանակ պաշտպանել են խորհրդային հայրենիքը զենքն իրենց ձեռքում, և նրանց մասին, ովքեր ստեղծել են զենքը, կառուցել են տանկեր և ինքնաթիռներ, պողպատ են կռել ռումբերի համար, ովքեր իրենց աշխատանքով արժանացել են զինվորական սխրանքի»։ «Պրավդա», հունիսի 8, 1942։ Մեկ այլ սալաքարի վրա փորագրված է. «Ռազմաճակատ է հասցվել 2360 տանկ, 1500 օդինքնաթիռ, 9000 ինքնագնացներ, 10000 ականանետներ։ Քաղաքային ձեռնարկություններն արտադրել են ռազմական «Կատյուշան» և այլ ռազմական տեխնիկա»:
Կրեմլի պատի մոտ տեղադրված պատվանդաներին ցուցադրվում են Հայրենական պատերազմի ժամանակ Գորկի (այժմ՝ Նիժնի Նովգորոդ) քաղաքում արտադրված զենքերը՝ Т-34 տանկ, БА-64 զրահամեքենա, SU-76 ինքնագնաց տեխնիկա, BM-13 «Կատյուշա», Ла-7 կործանիչ, «С-13» սուզանավի խցիկ։
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել «Գորկեցիները ռազմաճակատին» հուշահամալիր կատեգորիայում։ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.