From Wikipedia, the free encyclopedia
Wšědna šipica (Sagittaria sagittifolia) je wódna rostlina ze swójby žabnikowych rostlinow (Alismataceae).
 | |
| wšědna šipica, Ilustracija | |
| systematika | |
|---|---|
| Domena | Eukaryoty |
| Swět | Rostlinstwo |
| rjadownja: | Krytosymjenjak (Magnoliopsida) Monokotyledony |
| rjad: | (Alismatales) |
| swójba: | Žabnikowe rostliny (Alismataceae) |
| ród: | Šipica[1][2] (Sagittaria) |
| družina: | Wšědna šipica |
| wědomostne mjeno | |
| Sagittaria sagittifolia | |
| L. | |
Wšědna šipica je naha rostlina, kotraž docpěwa wysokosć wot 1 m. Rostlina ma dołhe wuběžki.
Stołpiki a łopjenowe šiški su třihranite.
Łopjena su na spódku stejace. Prěnje su trawojte, dosahuja dołhosć wot 1 m. Slědowace su owalne hač do šipojte a płuwace. Za čas kćeća eksistuja z wody sahace, třidźělne, šipojte łopjena.
Kćěje wot junija hač do awgusta. Kćenja su jednosplažne, steja w jedyn na druhi stejacych mutličkach, při čimž su deleka žónske a muske kćenja a horjeka su jenož muske. Kćenja docpěwaja šěrokosć wot 1,5 hač do 2 cm. Wonkowne kćenjowe łopješka su zelene a keluchojte. Nutřkowne łopješka su dwójce tak wulke, běłe z čerwjenym spódkom. Stameny su mnoholičbne.
Kćenja buchu wot stojawkow wopróšene.
Płody docpěwaja dołhosć wot 4 hač do 5 mm.
Wšědna šipica rosće w wutkatych, stejacych abo pomału běžacych wodach, hač do wódneje hłubokosće wot 50 cm.
Wšědna šipica je w nimale cyłej Europje a zapadnej Aziji rozšěrjena.
Seamless Wikipedia browsing. On steroids.
