Tursunzoda
město w Tadźikistanje From Wikipedia, the free encyclopedia
Tursunzoda (tadźikisce Турсунзода; rusce Турсунзаде/ Tursunzade; do 1978 – Регар/ Regar) je město na zapadźe Tadźikistana, blisko uzbekskeje hranicy. Je zarjadniske sydło Tursunzodskeho wobwoda a ma něhdźe 53 tysac wobydlerjow, kiž su zwjetša Uzbekojo.[1]
| swójske mjeno | Турсунзода | |
| ||
| Zakładne daty | ||
|---|---|---|
| stat |  Tadźikistan | |
| wobydlerstwo | 53.100 (2018) | |
| póstowe čisło | 735000 | |
| předwólba | (+) 3130 | |
| awtowa značka | 07 TJ | |
38.568.216666666667
Leži w płódnej Chisorskej dolinje něhdźe 50 kilometrow zapadnje wot stolicy Dušanbe při derje wutwarjenej dróze M41 a železniskej čarje, zwjazowacej Dušanbe z wukrajom. Blisko města nadeńdźe so jedyn z jenož třoch hraničnych přechodow mjez Tadźikistanom a Uzbekistanom.
Sydlišćo je so w 14. lětstotku prěni raz naspomniło a bě hač do druheje swětoweje wójny mała wjes, přez kotruž wjedźeše wot lěta 1929 železnica Dušanbe–Moskwa. W lěće 1954 dósta měšćanske prawa. Dósta w lěće 1978 mjeno tadźikiskeho basnika-politikarja Mirzo Tursunzody.
Tursunzoda je wot lěta 1975 stejišćo wulkeho aluminijoweho zawoda, kotryž je dźensa we wobsydstwje Tajikistan Aluminium Company (TALCO). Fabrika je najwjetši industrijowy zawod Tadźikistana a zamołwita za 60 procentow tadźikiskeho eksporta a 20 procentow bruttoweho nutřkokrajneho produkta (BIP), při čimž přetrjebuje přerěznje 40 procentow tadźikiskeje miliny.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
