Róžant
wjes w Budyskim wokrjesu, gmejnski dźěl Ralbic-Róžanta From Wikipedia, the free encyclopedia
Róžant (němsce Rosenthal) je serbska wjes a putniske městno w hornjołužiskim wokrjesu Budyšin. W nim bydli tuchwilu 266 wobydlerjow.
| ||
| gmejna: | Ralbicy-Róžant | |
| zagmejnowanje: | 1994 | |
| wobydlerstwo: | 266 (31. decembra 2023)[1] | |
| wysokosć: | 154 metrow n.m.hł. | |
51.28638888888914.227222222222154 | ||
| póstowe čisło: | 01920 | |
| předwólba: | 035796 | |
 Róžant ze sewjera | ||
wikidata: Róžant (Q160782) | ||
Wjeska Róžant bu 1350 prěni raz pisomnje z mjenom villa Rosental naspomnjena. 1374 jewi so w zapisach tež serbske mjeno Roszant. Tehdy słušeše wjeska z wulkeho dźěla klóštrej Marijina hwězda. Mjeno pochadźa po wšěm zdaću wot staroserbskeho mjena róžeń, kotrež za družinu drjewna steji. Najskerje ludźo tehdy pak drjewno do zemje jako fundamenty za jich statoki pušćachu abo drohi z drjewnom wuchładźechu, wšako leži Róžant zdźěla hižo na pěskojtej zemi z wysoko stejacej dnownej wodu. Tak je předstajomne, zo běše zemja tehdy jara žumpadłojta. 1506 kupi abatisa Elisabeth von Haugwitz, hižo dwanata hnadna Marijineje hwězdy, zbywacy dźěl Róžanta wot Kaspera von Schreibersdorf nad Njeswačidłom. Wotwisnosć wsy napřećo klóštrej wobsteješe hač do lěta 1836.
Kónc Druheje swětoweje wójny běštej wjes a wokolina potrjechenej wot ćežkeho wojowanja mjez němskim wójskom a Čerwjenej armeju kaž tež pólskim wójskom. Dnja 1. meje 1945 wupali Róžeńčanska putniska cyrkej dospołnje.
Wobydlerstwo
We 1880tych lětach měješe Róžant po Mukowej statistice cyłkownje 148 wobydlerjow, z nich 147 Serbow a jenički Němc.[2] Arnošt Černik zwěsći w lěće 1956 serbski podźěl wot 85,5 %.[3]
- Jakub Xaver Ticin (1656–1693) – jezuit, wudawar stawiznow hnadowneho města a prěnjeje hornjoserbskeje gramatiki
- Bosćan Tecelin Mět (1759–1835) – duchowny, spisowaćel na nabožinskim polu; 1793–1816 kapłan a 1816–1822 administrator w Róžeńće
- Jan Wjenka (1882–1971) – duchowny, městopředsyda Domowiny
- Hańža Bjeńšowa (1919–1999) – spisowaćelka
- Alfons Frencl (1946–2015) – wučer, awtor a domiznowědnik
- Frencl, Alfons: Město tróšta - Róžant rjany (1997), ISBN 3-7420-1710-1
- Domaška, P. Romuald: Tysac lět hnadowne městno Róžant (1928)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
