Rowna
něhdyša wjes w Delnjej Łužicy From Wikipedia, the free encyclopedia
Rowna (prjedy tež Rownej; němsce Rauno) bě delnjołužiska wjes w Złokomorowskim wokrjesu.
Wjes ležeše něhdźe štyri kilometry sewjerozapadnje Złokomorowskeho stareho města, měješe něhdźe 160 wobydlerjow a je so w lětomaj 1925/1926 zwjetša wotbagrowała za brunicowu jamu Renatu-wuchod. Wostawacy dźěl wsy dyrbješe so w lětomaj 1983/1984 za Murjowsku jamu wopušćić.
Susodne sydlišća běchu Dobry Wótšow a Załuž na sewjeru, Rań a Bukowka na sewjerowuchodźe, Sedlišćo a Rěpišćo na wuchodźe, Drochow, Murjow a Sowjo na zapadźe kaž tež Gat a Zły Komorow na juhu.
Prěnje pisomne naspomnjenje wsy jako Ruwne pochadźa z lěta 1474. Dalše historiske mjena běchu Rawen (1506), Rawne (1529), Rauna (1551) a Raune. Kaž pola Rownoho poćahuje so wjesne mjeno na geografiske połoženje wjeski na runym terenje. Nanajpozdźišo wot započatka 15. lětstotka słušeše Rowna do Złokomorowskeho knjejstwa, kotrež bu wokoło 1450 přetworjene do kursakskeho hamta. W lěće 1416 naspomni so prěni raz winica na Rownjanskej runinje a wino so hač po Prěnjej swětowej wójnje plahowaše.
W 1870tych lět wotewrichu w bliskosći wsy prěnje brunicowe jamy, štož wjesny napohlad – tež z etniskeje perspektiwy – spěšnje přeměni. Po Mukowej Statistice Łužiskich Serbow rěčachu srjedź 1880tych lět wot cyłkownje 732 wobydlerjow jenož hišće 125 serbsce (17 %).[1] W lěće 1910 bě wot prěnjotnje 256 hektarow ratarskeje płoniny na Rownjanskich zahonach hižo 107 hektarow přetworjene do brunicoweje jamy.
Pućnik na Rěpišćanskej hórce
Rowna na karće z lěta 1850
Zhromadne rownišćo Rownjanskich wobydlerjow na Złokomorowskim kěrchowje
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
