Rěčicy

Rěčicy (němsce Rietschen) su hornjołužiska wjes a gmejna w sakskim wokrjesu Zhorjelc. Leža 143 m nad mórskej hładźinu a maja wokoło 2.800 wobydlerjow. Prěnje historiske naspomnjenje je z lěta 1362.

Rěčicy

němsce	Rietschen
Rěčicy na karće Sakskeje DEC
Wopon
Wopon Rěčic
Zakładne daty
stat	Němska
zwjazkowy kraj	Sakska Sakska
wokrjes	Zhorjelski
wysokosć	143 metrow n.m.hł.
přestrjeń	73,19 km²
wobydlerstwo	2.476 (31. dec 2023)[1]
hustosć zasydlenja	34 wob. na km²
póstowe čisło	02956
předwólba	([phone]
awtowa značka	GR, LÖB, NOL, NY, WSW, ZI
Politika a zarjadnistwo
wjesnjanosta	Ralf Brehmer
webstrona	rietschen-online.de
Połoženje Rěčic w Sakskej
Karta
wikidata: Rěčicy (Q502512)

51.414.783333333333

Gmejna słuša oficielnje do serbskeho sydlenskeho ruma.

Geografija

Ewangelska cyrkej w Rěčicach

Gmejna Rěčicy leži w krajinje hornjołužiskeje hole a hatow, někak dźesać kilometrow sewjerne města Niska a pjatnaće kilometrow juhowuchodnje Běłeje Wody. Runje přez Rěčicy ćeče Běły Šepc.

Na sewjeru wjes mjezuje z wojerskim zwučowanišćom Hornja Łužica. Susodne gmejny su Wuskidź na sewjeru, Krušwica na sewjerowuchodźe a wuchodźe, Rózbork na juhowuchodźe, Wosečk a Niska na juhu, Chrjebja-Nowa Wjes na juhozapadźe a Hamor na zapadźe.

Wobchad

W Rěčicach namaka so zastanišćo (něhdyše dwórnišćo) železniskeje čary Berlin-Zhorjelc.

Přez Rěčicy wjedźe zwjazkowa dróha 115 ze Zhorjelca do Baršća.

Wobydlerstwo a rěč

Po Mukowej statistice z lětow 1884/85 rěčachu tehdy hišće štyrnaćo wot cyłkownje 1047 Rěčičanow serbsce (1 %).^[2] Arnošt Černik zwěsći w lěće 1956 serbskorěčny podźěl wobydlerstwa wot jenož hišće 0,5 %.^[3]

Gmejnske dźěle

Powětrowy wobraz Rěčic (2019)

K Rěčičanskej gmejnje słušeja slědowace wjeski:

• Dubc, 563 wob.
• Hamoršć, 92 wob.
• Hatk, 208 wob.
• Nowy Lubolń, 44 wob.
• Rěčicy, 1158 wob.
  • Delnje Brusy, 351 wob.
  • Nowy Hamor, 201 wob.
  • Wjerto, 179 wob.
• Stary Lubolń, 28 wob.

Na gmejnskim teritoriju ležace wjeski Mochowc, Napojka, Publik, Štyri Duby, Wunšow a Zamosty dla dobywanja brunicy hižo njeeksistuja.

Politika

Gmejna słuša k sakskemu wólbnemu wokrjesej 57 (Zhorjelc 1) a k zwjazkowemu wólbnemu wokrjesej 157 (Zhorjelc).