wotbagrowana wjeska w Hornjej Łužicy From Wikipedia, the free encyclopedia
Publik (němsce Publick; 1936–47 Wildfelde) běše holanske sydlišćo na sewjeru Hornjeje Łužicy, kotrež bu w lěće 1986 wopušćene a potom za Rychwałdsku brunicowu jamu wotbagrowane. Po hamtskich ličbach mějachu so pjatnaće wobydlerjow přesydlić.
Publik ležeše na prawym boku Běłeho Šepca mjez Wunšowom a Zamostami.
Wjeska – po sydlišćowej formje kulowc – naspomni so prěni raz pisomnje wokoło lěta 1400 jako Publicsdorff.[1] W slědowacych lětstotkach mjenowachu ju jenož hišće Publik (1505: Puplick; 1625: Bublick; 1791: Publick). Wot nacionalsocialistow bu dla swojeho serbskeho wjesneho mjena w lěće 1936 přemjenowana na Wildfelde, dósta pak swoje stare mjeno po wójnje wróćo.
Wjes a tamniši wudwór słušeštej wot lěta 1603 do Mužakowskeho stawoweho knjejstwa.
Po statistice Arnošta Muki měješe Publik we 1880tych lětach 60 wobydlerjow, kotřiž běchu bjez wuwzaća Serbja.[2] Ewangelscy Publičenjo přisłušachu znajmjeńša wot časa reformacije Rychwałdskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.