Pólna žerchej
From Wikipedia, the free encyclopedia
From Wikipedia, the free encyclopedia
Pólna žerchej (Lepidium campestre) je rostlina ze swójby křižnokwětnych rostlinow (Brassicaceae).
 | |
| Pólna žerchej (Lepidium campestre) | |
| systematika | |
|---|---|
| Domena | Eukaryoty |
| Swět | Rostlinstwo |
| Rosidy Eurosidy II | |
| rjad: | (Brassicales) |
| swójba: | Křižnokwětne rostliny (Brassicaceae) |
| ród: | Žerchej[1][2] (Lepidium) |
| družina: | Pólna žerchej |
| wědomostne mjeno | |
| Lepidium campestre | |
| (L.) R.Br. | |
Pólna žerchej je jednolětna a dwulětna rostlina, kotraž docpěje wysokosć wot 20 hač do 60 cm.
Stołpik je husto łopjenaty.
Hornje łopjena wobpřimnu z šipojtym spódku stołpik, mjeztym zo delnje łopjena su stołpikate a za čas kćěwa zwjetša zwjadnjene.
Kćěje wot meje hač do junija. Běłe kćenja docpěja šěrokosć wot 2 hač do 3 mm a steja krótkich, kłosojtych kićach, kotrež často maja bóčne kiće. Štyri krónowe łopješka su łopatkojte. Rostlina je šěrozelena a kosmata.
Truki su husto z šupiznatymi pucherčkami kryte, płone abo tróšku horbate a njesu prědku jara šěroku křidłatu kromu. Zrałe truki su šěroko-jejkojte a steja na wodorunych stołpikach.
Rosće na rolach wobkopankow, na pućach, na drjebiznowych městnach, w skałach, na železniskim terenje a na pustych płoninach. Ma radšo zwjetša wapnite pódy.
Pochadźa originalnje z južneje Europy, ale nětko w nimale cyłej Europje wustupuje.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
