Ostrava
město w Čěskej From Wikipedia, the free encyclopedia
Ostrava (němsce Ostrau) je industrijne město na wuchodźe Čěskeje a zarjadniske sydło Morawsko-šleskeho kraja. Wona je po přestrjeni a z 290.000 wobydlerjemi tež po ludnosći třeće najwjetše město republiki po Praze a Brnje.
| ||
| Wopon | ||
|---|---|---|
| ||
| Zakładne daty | ||
| stat |  Čěska | |
| kraj |  Morawsko-Šleska | |
| okres | Ostrava-město | |
| wysokosć | 335 metrow n.m.hł. | |
| přestrjeń | 214,01 km² | |
| wobydlerstwo | 290.450 (1. jan 2018)[1] | |
| hustosć zasydlenja | 1357 wob. na km² | |
| póstowe čisło | 700 00 – 720 00 | |
| předwólba | (+420) 59 | |
| awtowa značka | T | |
| adresa | Prokešovo náměstí 8 729 30 Ostrava | |
| webstrona | ostrava.cz | |
| Politika | ||
| wyši měšćanosta | Tomáš Macura | |
49.833818.284
Wulkoměsto leži na juhowuchodźe Morawy jenož dźesać kilometrow zdalene wot pólskeje hranicy při hornim běhu Wódry. Słowakska hranica je połsta kilometrow zdalena. Ostrava nadeńdźe so při sewjernym kóncu „Morawskich wrotow“, runiny mjez Sudetami na zapadźe a Beskidami na wuchodźe, kotraž běše hižo w srjedźowěku strategisce wuznamna za wikowanje mjez Šleskej a Morawu.
Ostrava nasta z wjacorych sydlišćow při wuliwje rěki Ostravice do Wódry. Wot 10. lětstotka bě wokolina města znata jako sydlenski teritorij słowjanskeho kmjena Holasicow. Přez lětstotki tworještej Ostravice a Wódra na tutym městnje hranicu mjez Morawu na juhu a Šleskej na sewjeru. Blisko wuliwa nastaštej na woběmaj brjohomaj wjesce z mjenom Ostrava, při čimž so Polska Ostrawa prěni raz w lěće 1229 naspomni. 1267 naspomnjena Moravská Ostrava dósta w lěće 1279 měšćanske prawo. W běhu srjedźowěka zasydli so wjele Němcow.
Hospodarske wuwiće so hakle we 18. lětstotku wospěšnja, jako namakachu w blišej wokolinje wuhlowe łožišća. Tak přiběra wobydlerstwo Morawskeje Ostrawy wot 1794 do 1869 wot spočatnje 1.500 na nimale 7.000 wobydlerjow. W lěće 1910 měješe město hižo 37.000 wobydlerjow.
Wot lěta 1918 běštej wobě měsće dźěl nowozałoženeje Čěskosłowakskeje. Wuchodne město rěkaše wot 1919 Slezská Ostrava. Zjednoćenej buštej hakle pod nachwilnym němskim knjejstwom w lěće 1941. Po kóncu Druheje swětoweje wójny bu němske wobydlerstwo wuhnate.
Hłowne torhošćo (Masarykowe naměsto)
Nowa radnica
Hród w Šleskej Ostrawje
Nowa hěta w lěće 2005
Napohlad Morawskeje Ostrawy z lěta 1728
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
