Nowa Łuka

Nowa Łuka (němsce Neuwiese) je srjedźołužiska wjes ze 181 wobydlerjemi^[2] na sewjeru Budyskeho wokrjesa, kotraž słuša wot lěta 1995 ke gmejnje Halštrowska Hola. Ze susodnymi Horami twori Nowa Łuka zhromadny gmejnski dźěl.

Zakładne fakty

Nowa Łuka
Neuwiese

DEC
gmejna:	Halštrowska Hola
zagmejnowanje:	1995
wobydlerstwo:	181 (31. decembra 2016)[1]
wysokosć:	115 metrow n.m.hł.
51.4620114.209331115
póstowe čisło:	02979
předwólba:	03571
wotwodźene słowa:	wobydler/ka: Nowołučan/-ka adjektiw: Nowołučanski skłonowanje: Noweje Łuki, Nowej Łuce, Nowu Łuku, Nowej Łuku, w Nowej Łuce
Wjesna tafla Noweje Łuki
wikidata: Nowa Łuka (Q52739920)

Začinić

Wjes nadeńdźe so něhdźe štyri kilometry sewjerozapadnje Wojerowskeho stareho města w nižinje Čorneho Halštrowa a leži na lěwym brjoze kanalizowaneje rěki. Stary Halštrowski běh ćeče bjezposrědnje přez Nowołučansku nawjes.

Susodnej wsy stej Hory na sewjerozapadźe a Narć na juhozapadźe. Sewjernje wsy nadeńdźe so přemysłowy park Nowa Łuka-Hory. Mjez Nowej Łuku a Horami běži Stara Berlinska dróha, dźensniša statna dróha 234.

Nowa Łuka je po sydlišćowej formje typiski holanski nawsowc z cyhelowymi chěžemi a naspomni so prěni raz pisomnje w lěće 1401 jako Weze. Přez lětstotki wukonješe Wojerowske stawowe knjejstwo ležownostne knjejstwo we wsy. W prěnjej połojcy 18. lětstotka nasta sewjerowuchodnje Noweje Łuki jako wutwar nowa wjeska Hory, kotrež mjenowaše so w lěće 1744 tež Ober-Neuwiese. W lěće 1938 buchu Hory do Noweje Łuki zagmejnowane.

Samostatna gmejna Nowa Łuka wobsteješe hač do lěta 1995, jako zjednoćichu so gmejny Bjezdowy, Bluń, Lejno, Narć, Nowa Łuka, Ptačecy, Zabrod a Židźino k nowej wulkogmejnje Halštrowska Hola.