Remove ads
Nowa Wjes/Sprjewja (němsce Neudorf/Spree) je hornjołužiska holanska wjes ze 150 wobydlerjemi[2] w samym wuchodźe Budyskeho wokrjesa, kotraž słuša wot lěta 2013 k Malešanskej gmejnje.
| ||
| gmejna: | Malešecy | |
| zagmejnowanje: | 1994 (do Hućiny) | |
| wobydlerstwo: | 150 (31. decembra 2022)[1] | |
| wysokosć: | 140 metrow n.m.hł. | |
51.31305555555614.545277777778140 | ||
| póstowe čisło: | 02694 | |
| předwólba: | 035932 | |
 Hłowna dróha w Nowej Wsy | ||
wikidata: Nowa Wjes/Sprjewja (Q18672398) | ||
Na južnym spočatku Noweje Wsy steji papjercowa fabrika, tak mjenowany „Sprjewiny młyn“.
Remove ads
Nowa Wjes leži 17 kilometrow sewjerowuchodnje Budyšina wosrjedź hornjołužiskeje hole na prawym boku Sprjewje, kotraž ma we wokolinje wsy wjele starych promjenjow. Wjesne hona, na kotrychž leži tež wjesny dźěl Wotpočink, maja přestrjeń wot 6,89 km².
Wjes naspomni so k prěnjemu razej hakle w lěće 1545 jako Klein Neundorff a słuša tuž k młódšim sydlišćam Budyskeho wokrjesa, na čož pokazuje tež wjesne mjeno. Hakle regulowanje Sprjewje zmóžni wobsydlenje tuteje prjedy chětro bahnojteje kónčiny. Spočatk 18. lětstotka bě Nowa Wjes we wobsydstwje Lichańskeho ryćerkubła.
Šula bu w lěće 1832 natwarjena. Wot lěta 1872 předźěła Nowowjesnjanski Sprjewiny młyn syćiznu za produkciju papjery.
Po Wienskim kongresu lěta 1815 přińdźe cyły sewjer Hornjeje Łužicy k Pruskej, Nowa Wjes a Wotpočink wostaštej pak sakskej. Hranica běžeše hač do lěta 1945 podłu Sprjewje sewjerozapadnje wsy.
W Nowowjesnjanskej šuli rěčeše so hač do 1930tych lět serbsce. Posledni serbski wučer woteńdźe w lěće 1935 a přistajeny bu Němc. Starši protestowachu z listami pola kultusoweho ministerstwa a žadachu sej serbskeho wučerja, njedóstachu pak ani wotmołwu.[3]
Remove ads
| Podaća po cencusu 2011; staw: 9.5.2011[4] | Nowa Wjes | gmejna |
|---|---|---|
| ličba wobydlerjow | 163 | 5033 |
| ličba domjacnosćow | 66 | 2066 |
| wosoby na domjacnosć | 2,5 | 2,4 |
| swójby | 54 | 1588 |
| bydlenske twarjenja | 56 | 1638 |
| bydlenska přestrjeń na wosobu (m²) | 39,1 | 41,2 |
| přerězna staroba w lětach | 47,7 | 45,1 |
| kwocient młodostnycha | 30 | 25 |
| kwocient starychb | 47 | 33 |
| podźěl prózdne stejacych bydlenjow | 1,5 % | 5,7 % |
| a: poměr ličby wosobow pod 18 lětami k 100 wosobam mjez 18 a 65 b: poměr ličby wosobow nad 65 lětami k 100 wosobam mjez 18 a 65 | ||
Po Arnošta Mukowej statistice měješe Nowa Wjes we 1880tych lětach 182 wobydlerjow, mjez nimi 172 Serbow (95 %) a 10 Němcow.[5] Arnošt Černik zwěsći 1956 serbskorěčny podźěl wobydlerstwa wot jenož hišće 37,3 %.[6]
W lěće 1925 bě mjez nětko hižo 285 wobydlerjemi 273 ewangelskich a 10 katolskich. Ewangelscy wěriwi přisłušeja znajmjeńša ze 17. lětstotka Klukšanskej wosadźe.
- Jan Dwórnik (1871–1928), sobuzałožer Domowiny, Łužiskeje ludoweje strony a Łužiskeho burskeho zwjazka; rodźeny w Nowej Wsy
- Jan Awgust Pohonč (1841–1909), wučer, přistajeny, spisaćel; rodźeny w Nowej Wsy
.svg){kind=small}
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads