Marja Michałkowa

Marja Ludwiga Michałkowa (rodź. Cyžec; * 6. decembra 1949 w Měrkowje) je něhdyša serbska politikarka strony CDU a bywša zapósłanča němskeho zwjazkoweho sejma. Wona běše mjez lětomaj 1991 a 1994 zastupowaca předsydka frakcije CDU/CSU a znowa wot 2002 hač do lěta 2017 čłonka zwjazkoweho sejma a zdoby štyri króć direktny mandat w Budyskim wólbnym wokrjesu.

Marja Michałkowa w lěće 2014

Žiwjenje

Wotzamknjenju na Radworskej wyšej šuli slědowaše wučba k industrijowemu překupcej a potom wukubłanje jako ekonomka na fachowej šuli za zawodnu ekonomiju. W lěće 1972 zastupi do CDU. Wot 1986 hač 1990 běše Michałkowa wěcywobdźěłarka w prawizniskej kencliji. Mjez 1996 a 2002 dźěłaše jako jednaćelka wot Fortbildungswerk Sachsen gGmbH.

Marja Michałkowa je katolska, ženjena a ma tři dźěći. Wona je starša sotra Bjarnata Cyža.

Politika

Mjez měrcom a oktobrom 1990 přisłušeše Marja Michałkowa poslednjej Ludowej komorje Němskeje demokratiskeje republiki; w oktobru běše wona mjez tymi zapósłancami, kotrež buchu přewzate do zwjazkoweho sejma. Wosta tam hač do decembra a wróći so w februarje 1991 jako zastupnica Hansa Geislera. Marja Michałkowa běše hač do wólbow w lěće 1994 zapósłanča zwjazkoweho sejma a bu w lětach 2002 znowa wuzwolena, tutón raz jako direktna kandidatka wólbneho wokrjesa Budyšin/Běła Woda. Hač do dźensnišeho bu dwójce w zastojnstwje wobkrućena.

Marja Michałkowa běše mjez 1991 a 1994 předsydka parlamentariskeje přirady Załožby za serbski lud, mjez 1994 a 1999 předsydka załožboweje rady a bě wot 2000 do 2019 předsydka sakskeje Rady za serbske naležnosće.

Při wólbach lěta 2017 wjace njenastupi.

Wotkazy

• Webstrona Marje Michałkoweje
• Krótkobiografija na webstronje zwjazkoweho sejma
• Marja Michałkowa na stronje abgeordnetenwatch.de