Kalawa
město w Delnjej Łužicy From Wikipedia, the free encyclopedia
Kalawa (němsce Calau) je delnjołužiske městačko w južnej Braniborskej. Ma něhdźe wósom a poł tysac wobydlerjow a słuša do serbskeho sydlenskeho ruma.
| němsce | Calau | |
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Braniborska | |
| wokrjes | Hornje Błóta-Łužica | |
| wysokosć | 93 metrow n.m.hł. | |
| přestrjeń | 163,5 km² | |
| wobydlerstwo | 7.650 (31. dec 2021)[1] | |
| hustosć zasydlenja | 47 wob. na km² | |
| póstowe čisło | 03205 | |
| předwólba | (+49) 03541 | |
| awtowa značka | OSL, CA, SFB | |
| Politika a zarjadnistwo | ||
| wyši měšćanosta | Werner Suchner (bjezstronski) | |
| adresa | Naměsto měra 1 03205 Kalawa | |
| webstrona | calau.de | |
| Połoženje w Braniborskej | ||
 | ||
wikidata: Kalawa (Q532803) | ||
51.7513.95
Městačko leži wosrjedź Delnjeje Łužicy při južnej kromje Błótow a něhdźe 25 kilometrow zapadnje Choćebuza.
Měšćanske dźěle
K městu słušeja wjeski Bólašojce (Bolschwitz), Bukow (Buckow), Chańc (Gollmitz), Jazory (Groß Jehser), Kamjeny (Kemmen), Kšupow (Craupe), Młoźe (Mlode), Synjeńce (Zinnitz), Śerpšow (Erpitz), Wjerchownja (Werchow), Wólšyna (Erlenau), Zasłomjeń (Saßleben), Změšow (Groß Mehßow) a wobydlene gmejnske dźěle Batowk (Bathow), Jazorce (Mallenchen), Kałkojce (Kalkwitz), Kobłej (Cabel), Radowańk (Radensdorf), Rochusowy Doł (Rochusthal), Rudna (Reuden), Škódow (Schadewitz), Wjelchna (Plieskendorf), Žrakow (Schrakau), Zarěc (Säritz), Změšowk (Klein Mehßow) a Žytym (Settinchen).
Mjeno Kalawa wotwodźuje so wot staroserbskeho słowa kal, štož tak wjele kaž žumpadło abo łuža woznamjeni. Město so pisomnje 1279 prěni raz naspomni. W Kalawje dawaše tehdy hród z mjenom Dunkelsburg a ležeše w sewjero-zapadźe města. Ale hižo w 16. lětstotku bě tutón sylnje rozpadnjeny. Dźensa so jenož hišće někotre zbytki něhdyšich murjow namakaja. Město ležeše při wikowanskim křižowanišću, tak zo so w srjedźowěku tam wěste derjeměće wuwiwaše. W pózdnym srjedźowěku započa so na pózdnjogotiskej halowej cyrkwi twarić, kotraž hišće dźensa wobraz města wobknježi.
Kalawa běše hižo ze 14. lětstotka wokrjesne město. To zaležeše po wšěm zdaću na tehdyšim dominowacym hospodarskim połoženju města porno druhim bliskim městam južnje Błótow. Teritoriji wokrjesa pak so přez lětstotki často přeměnješe. W měsće běše serbšćina nimo němčiny wobchadna rěč hač do prěnjeje połojcy 19. lětstotka. W Mukowej statistice jewja so Kałkojce jako jenička wjes na teritoriju dźensnišeho města. Tam zwěsći Muka hišće šěsć serbskorěčnych wobydlerjow.
Na Kalawskej Carla Anwandterowej zakładnej šuli poskića so delnjoserbšćina jako cuza rěč.[2]
- Viersen (Němska)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
