serbski prastawiznar a archeologa From Wikipedia, the free encyclopedia
Jurij Józef Knebel (němsce Jurij Josef Knebel; * 24. měrca 1934 w Baćonju, † 14. apryla 2020) bě serbski prastawiznar a archeologa, kotryž zaběraše so předewšěm z prastawiznami Hornjeje Łužicy.
Wón maturowaše na Serbskej wyšej šuli a studowaše na namjet swojeho gymnazialneho wučerja Antona Nawki, kiž jeho za słowjanske prastawizny zahori, w Lipsku archeologiju a zažne stawizny. Z pomocu direktora Instituta za serbski ludospyt Pawoła Nowotneho móžeše na studijnym přebywanju w pólskej Łódźi teoretiske a praktiske nazhonjenja zběrać, so na wurywanjach wobdźělić a pólsce nawuknyć. We Łužicy bě wobdźěleny mjez druhim na wurywanjach nimale tysac lět stareho pohrjebnišća w Libonju a delnjołužiskeho hrodźišća w Tornowje.
Wot 1957 bě prěni při Instituće za serbski ludospyt skutkowacy archeologa a jako wědomostny sobudźěłaćer mjez druhim tež wobdźěleny na prěnim zwjazku Stawiznow Serbow a na wulkostudiji wo Parcowje w 1970tych lět a zamołwity za někotre zapiski w Nowym biografiskim słowniku. 1992 poda so na wuměnk.
Wón bě woženjeny a bydleše w Hodźiju.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.