Hórki (němsce Horka) su hornjołužiska wjes z 240 wobydlerjemi[2] w srjedźišću Budyskeho wokrjesa. Z lěta 1974 słušeja ke gmejnje Chrósćicy. Wjetšina wobydlerjow ma serbšćinu jako maćeršćinu.
| |||||
| gmejna: | Chrósćicy | ||||
| zagmejnowanje: | 1974 | ||||
| wobydlerstwo: | 240 (31. decembra 2023)[1] | ||||
| wysokosć: | 158 metrow n.m.hł. | ||||
51.262514.253888888889158 | |||||
| póstowe čisło: | 01920 | ||||
| předwólba: | 035796 | ||||
| wotwodźene słowa: |
| ||||
 Pohlad z juha na Hórki | |||||
wikidata: Hórki (Q160797) | |||||
Geografija
Wjes namaka so tři kilometry sewjernje Chrósćic na wuchodnym boku něhdźe 200 metrow wysokeho hórskeho hrjebjenja, wuběžka Chróšćanskeje Šibjeńcy, zwotkelž pochadźa tež wjesne mjeno. W mokrej Hórčanskej wužłobinje wužórli so Dobroščanska rěčka, kotraž běži do sewjerneho směra a wuliwa so pola Kulowa do Čorneho Halštrowa. Wjesne hona maja přestrjeń wot 2,51 km².
Susodne wjeski su Dobrošicy na sewjerowuchodźe, Jaseńca na juhowuchodźe, Chrósćicy na juhu a Worklecy kaž tež Nowa Wjeska na zapadźe.
Stawizny
Sydlišćo naspomni so prěni raz najskerje w klóštrowym registru lětow 1374/82 jako Hannos Harke. W blišej wokolinje namakaja so wjacore skały, z kotrychž wudobywachu wot 1812 łužiski granodiorit. Poslednja skała zawrě so w lěće 1983 a je dźensa nurjenski rewěr.
Dnja 26. apryla 1945 zamordowachu němscy esesowcy w běhu bitwy wo Budyšin w Hórkach zranjenych pólskich wojakow.
Wot 1931 do 1993 mějachu w Hórkach swójsku zakładnu šulu. W 1960tych lětach nastachu sewjernje wsy koparski stadion, hosćenc a kehelnja. Wojerski pomnik wosrjedź wsy bu w lěće 1933 postajeny a 1993 wobnowjeny.
Wobydlerstwo
| Podaća po cencusu 2011; staw: 9.5.2011[3] | Hórki | gmejna |
|---|---|---|
| ličba wobydlerjow | 282 | 1058 |
| ličba domjacnosćow | 94 | 339 |
| wosoby na domjacnosć | 3,0 | 2,9 |
| swójby | 80 | 292Chr |
| bydlenske twarjenja | 81 | 299 |
| bydlenska přestrjeń na wosobu (m²) | 35,3 | 35,9 |
| přerězna staroba w lětach | 42,0 | 44,0 |
| kwocient młodostnycha | 31 % | 29 % |
| kwocient starychb | 34 % | 34 % |
| podźěl prózdne stejacych bydlenjow | 2,1 % | 3,2 % |
| a: poměr ličby wosobow pod 18 lětami k 100 wosobam mjez 18 a 65 b: poměr ličby wosobow nad 65 lětami k 100 wosobam mjez 18 a 65 | ||
Po Mukowej statistice mějachu Hórki we 1880tych lětach 230 wobydlerjow, mjez nimi 226 Serbow (98 %) a jenož štyrjo Němcy.[4] Arnošt Černik zwěsći 1956 serbskorěčny podźěl wobydlerstwa Hórčanskeje gmejny wot 89,2 %.[5]
W lěće 1925 bě mjez 209 wobydlerjemi 195 katolskich. Katolscy wěriwi słušeja ze starodawna ke Chróšćanskej wosadźe, ewangelscy chodźa do Smječkec.
Wosobiny
- Mikławš Hicka (1821–99), wučer a publicist
- Jurij Hejduška (1874–1956), duchowny, spisaćel nabožinskich spisow
- Jakub Wjacsławk (1885–1951), slawist a bibliotekar
- Jurij Brusk (1889–1950), farar a spěchowar serbskeho dźiwadła
- Jurij Chěžka (1917–1944), prěni zastupjer moderneje poezije dwaceteho lětstotka w serbskej literaturje
- Hanamarja Šěrcec (1918–43), ratarska dźěłaćerka, wopor fašizma („Židowka Hana“)
- Jan Wornar (1934–1999), spisowaćel
- Jurij Koch (* 1936), spisowaćel
Hlej tež
Galerija
Wojerski pomnik na nawsy
Kopolak za Hanu Šěrcec
Wopomnjenska tafla při ródnym domje Jurja Chěžki
Smolic statok
Modlerski stołp při Chróšćanskej
Žórła
Wotkaz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
