Hunćericy (němsce Günthersdorf) su wjes ze 192 wobydlerjemi[2] na juhu hornjołužiskeho wokrjesa Budyšin. Słušeja wot lěta 1999 ke gmejnje Dobruša-Huska a leža 253 m nad mórskej hładźinu w hornjołužiskej pahórčinje juhowuchodnje Budyšina. Hač do lěta 1935 běchu samostatna gmejna, po tym Husčanski wjesny dźěl.
| |||||
gmejna: | Dobruša-Huska | ||||
zagmejnowanje: | 1935 (do Huski) | ||||
wobydlerstwo: | 192 (31. decembra 2022)[1] | ||||
přestrjeń: | 1,15 km² | ||||
wysokosć: | 253 metrow n.m.hł. | ||||
51.13805555555614.311944444444253 | |||||
póstowe čisło: | 02633 | ||||
předwólba: | 035930 | ||||
wotwodźene słowa: |
| ||||
wikidata: Hunćericy (Q10379634) |
Susodne wjeski su Huska na juhu a Cokow na sewjeru.
Michał Rostok naliči 1887 slědowace serbske ležownostne mjena: Zady hun, Pola ladkow, Pola mjedźanskej (?) dróhi, Pola Kosyrnja, Pola Nowej Wsy, Pola Cokowa, Na kšibjeńcy, Pola wuhona, Pola dubčka.[3]
Sydlerskostawiznisce su Hunćericy nawsowc. Prěnje historiske naspomnjenje jako Guntersdorf pochadźa z lěta 1230. Ležownostne knjejstwo nad wsu wukonješe přez lětstotki Husčanske ryćerkubło.[4] Porno Husce pak Hunćericy do Hornjołužiskeho markhrabinstwa njesłušachu, ale běchu jako prjedawše wobsydstwo Mišnjanskich biskopow hižo wot 1559 dźěl sakskeho kurwjerchowstwa.
W lěće 1884 měješe wjes po Mukowej statistice 128 wobydlerjow, z nich 102 Serbaj (80 %).[5]
Ewangelscy Hunćeričenjo přisłušeja ze starodawna Husčanskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.