Cavertitz

Cavertitz
	Cavertitz na karće Sakskeje
	Cavertitz na karće Sakskeje
Zakładne daty
stat	Němska
zwjazkowy kraj	Sakska
wokrjes	Sewjerosakski
wysokosć	103 metry n.m.hł.
přestrjeń	69,15 km²
wobydlerstwo	2.153 (31. dec 2023)
hustosć zasydlenja	31 wob. na km²
póstowe čisło	04758
předwólba	(+49) 034363
awtowa značka	TDO, DZ, EB, OZ, TG, TO
Politika a zarjadnistwo
wjesnjanostka	Christiane Gürth (bjezstronski)
adresa	Friedensstraße 4; 04758 Schöna
webstrona	cavertitz.de
Połoženje w Sakskej
	Karta
	wikidata: Cavertitz (Q16041)

Cavertitz je sakska gmejna w sewjerosakskim wokrjesu. Zarjadniske sydło nadeńdźe so wot lěta 2005 w gmejnskim dźělu Schöna.

Zakładne fakty Zakładne daty, Politika a zarjadnistwo ...

Začinić

51.38694444444413.13

Gmejna Cavertitz leži na sewjeru Swobodneho stata Sakskeje. W samym wuchodźe mjezuje z braniborskim městom Mühlberg/Elbe, na sewjeru z městom Belgern-Schildau, na juhu z gmejnu Liebschützberg a na zapadźe z městom Dolanom. Gmejna leži něhdźe na poł puću mjez Drježdźanami a Lipskom.

Cavertitz nadeńdźe so při juhowuchodnej kromje Dolanskeje hole. Zwjazkowa dróha 182 wjedźe přez zapadny dźěl gmejnskeho teritorija a zwjazkowa dróha 6 na juhu. Přez gmejnu ćeče rěčka Dahle. Łobjo same twori na samym sewjerowuchodźe gmejny na krótkim wotrězku gmejnsku a krajnu hranicu z Braniborskej.

Gmejnske dźěle su:

Cavertitz
Bucha
Außig
Olganitz

Treptitz
Schirmenitz
Klingenhain
Lampertswalde

Reudnitz
Schöna
Sörnewitz
Zeuckritz

Mjeno Cavertitza je serbskeho pochada. Wokoło lěta 900 nasta w běhu němskeje kolonizacije hrodźišćo w Cavertitzu, kotryž so w lěće 1240 w zwisku z klóštrom Güldenstern w Mühlbergu prěni raz naspomni. Po sekularizaciji klóštra w 16. lětstotku přeńdźe wjes do wobsydstwa sakskich kurwjerchow. Po Wienskim kongresu słušeše Cavertitz wot 1815 do 1818 k Pruskej, přińdźe potom pak wróćo k Sakskej.

Dźensniša gmejna nasta 1. měrca 1994 z dotalnych gmejnow Bucha, Cavertitz, Schirmenitz a Sörnewitz.

wětrnik w Zeuckritzu
hrodowy park Lampertswalde
romaniska wjesna cyrkej z lěta 1396 w Olganitzu
farski dom w Schirmenitzu, hdźež přenocowaštaj w lěće 1547 kejžor Korla V. a jeho bratr Ferdinand, kral Čechow a Madźarskeje w běhu bitwy pola Mühlberga

cyrkej w Schirmenitzu z 12. lětstotka
třowobłukowy móst z pólnych kamjenjow přez rěku Dahle z lěta 1845 w Klingenhainje
cyrkej z 12. abo 13. lětstotka w Sörnewitzu
romaniska cyrkej w Cavertitzu
hród ryćerskeho kubła (dźensniša šula
třistronske statoki w jadrje wsy, wosebje při Hłownej droze

Christian Friedrich Exner (1718–1798), architekt, sakski wyši twarski mištr a profesor při Drježdźanskej wuměłskej akademiji; narodźeny w Lampertswaldźe

Cornelius Gurlitt: Cavertitz. W: Beschreibende Darstellung der älteren Bau- und Kunstdenkmäler des Königreichs Sachsen. 27. Zwjazk: Amtshauptmannschaft Oschatz (I. Teil). C. C. Meinhold, Dresden 1905, str. 68.