Bjedrusk
wjes w Budyskim wokrjesu, dźěl Šěrachowa-Korzymja From Wikipedia, the free encyclopedia
Bjedrusk (němsce Bederwitz) je wjes ze 112 wobydlerjemi[2] na juhu hornjołužiskeho wokrjesa Budyšin. Słuša k městu Šěrachow-Korzym a leži 240 m nad mórskej hładźinu w dolinje Sprjewje. Hač do lěta 1936 běše samostatna gmejna, po tym najprjedy wjesny dźěl Rozwodec a wot 1994 hač do 2010 dźěl gmejny Korzym.
| |||||
| město: | Šěrachow-Korzym | ||||
| zagmejnowanje: | 1936 (do Rozwodec) | ||||
| wobydlerstwo: | 112 (9. meje 2011)[1] | ||||
| wysokosć: | 240 metrow n.m.hł. | ||||
51.10194444444414.451666666667240 | |||||
| póstowe čisło: | 02681 | ||||
| předwólba: | 035938 | ||||
| wotwodźene słowa: |
| ||||
_(2).JPG) Wjesna dróha w Bjedrusku | |||||
wikidata: Bjedrusk (Q160970) | |||||
Susodne wjeski su Jiłocy na sewjeru, Supow a Wbohow na wuchodźe, Chróstawa na juhu a Rozwodecy na zapadźe.
Prěnje historiske naspomnjenje jako Bederwicz pochadźa z lěta 1370. W 15. lětstotku wukonješe ležownostne knjejstwo nad Bjedruskom Rozwodečanske ryćerkubło, w lěće 1777 pak Chróstawske.[3]
W lěće 1884 měješe wjes po Mukowej statistice 129 wobydlerjow, mjez nimi 75 Serbow (58 %).[4] Přewažnje ewangelscy wobydlerjo přisłušeja Budestečanskej wosadźe. W Bjedrusku rěčeše so Rozwodečanski dialekt serbšćiny. Dźensa leži wjeska zwonka oficielneho serbskeho sydlenskeho ruma.
Ležownostne mjena
Michał Rostok naliči 1887 slědowace serbske ležownostne mjena: Sosanka = na Sosancy, Na wrónjacej budźe, Na Šćeńcach, Lada, Pastwišća, Kamjeńca, Pichow (hórka), Tryby = na Trybach, Při złej łuži, Wódnik, Strólnje, Dźělnje, Łusk.[5]
- Handrij Palman (1788–1862) – farar, wudawar prěnich serbskich Misionskich powěsćow
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
