Čorny Chołmc

Čorny Chołmc (němsce Schwarzkollm) je hornjołužiska wjes na sewjeru sakskeho wokrjesa Budyšin. Słuša wot lěta 1996 k Wojerecam a ma 850 wobydlerjow.^[2] Nadregionalnje znaty je Krabatowy młyn při južnej kromje wsy.

Čorny Chołmc
Schwarzkollm

Połoženje Čorneho Chołmca na karće Hornjeje Łužicy DEC
město:	Wojerecy
zagmejnowanje:	1996
wobydlerstwo:	850 (9. meje 2011)[1]
přestrjeń:	30,34 km²
wysokosć:	124 metrow n.m.hł.
51.43364614.139598124
póstowe čisło:	02977
předwólba:	035722
wotwodźene słowa:	wobydler/ka: Čornochołmčan/-ka adjektiw: Čornochołmčanski skłonowanje: Čorneho Chołmca, Čornemu Chołmcej, Čorny Chołmc, Čornym Chołmcom, w Čornym Chołmcu
Čornochołmčanska cyrkej Čornochołmčanska cyrkej
wikidata: Čorny Chołmc (Q160230)

Leži dźesać kilometrow zapadnje Wojerowskeho stareho města we wysokosći 124 metrow nad mórskej hładźinu. Susodne sydlišća su Lipoj-Tornow na zapadźe, Łuty na sewjerozapadźe, Lubuš na sewjeru kaž tež Narć a Brětnja na wuchodźe.

Skulptura Krabata we wsy

Stawizny

Prěnje historiske naspomnjenje jako Colmen^[3] je z lěta 1360. Přez lětstotki słušeše wjes k Wojerowskemu stawowemu knjejstwu.

Wobydlerstwo a rěč

Po Mukowej statistice z lětow 1884/85 rěčachu tehdy 424 wot cyłkownje 438 Čornochołmčanow serbsce.^[4] W cyłej Chołmčanskej wosadźe chodźachu 952 wosadnych k serbskej a jenož 24 k němskej spowědźi.^[5]

Arnošt Černik zwěsći w lěće 1956 serbskorěčny podźěl wobydlerstwa wot hišće 41,1 %.^[6]

Wosobiny

• Michał Frencel (1667–1752), farar a basnik; 1695–1725 w Čornym Chołmcu
• Salomon Bohuchwał Frencel (1701–1768), farar, spisaćel a chronikar; narodźeny we wsy
• Dabit Boguwěr Głowan (1788–1865), wučer, pedagoga a spisowaćel; narodźeny we wsy
• Jeremias Bogusław Głowan (1785–1854), wučer, přećiwnik serbšćiny w šulach; narodźeny we wsy
• Handrij Mehliš (1721–1790), farar a pěsnjer; 1760–90 farar w Čornym Chołmcu
• Mathilda Stangec-Fiedlerjowa (1840–1871), spěwarka a mandźelska Korla Awgusta Fiedlerja; narodźena w Čornym Chołmcu
• Matej Ungar (1863–1939), ratar, pčołar a ludowy basnik z Čorneho Chołmca

Powětrowy wobraz Čorneho Chołmca

Žórła

1. staw: 9. meje 2011; Wuslědki censusa 2011 za Wojerecy
2. 9. meje 2011; Wuslědki censusa 2011 za Wojerecy
3. Čorny Chołmc w Digitalnym stawizniskim zapisu městnow Sakskeje (němsce)
4. Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
5. Arnošt Muka: Statistika Łužiskich Serbow. Wobličenje a wopisanje hornjo- a delnjo-łužiskeho Serbowstwa w lětach 1880–1885. Budyšin 1884–86, str. 177
6. Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 250. [986 wobydlerjow, z nich 254 dorosćenych z aktiwnymi znajomosćemi serbšćiny, 73 z pasiwnymi, 78 serbskich dźěći a młodostnych, 581 bjez znajomosćow] → wšě wjeski

Wotkazaj

 Commons: Čorny Chołmc – Zběrka wobrazow, widejow a awdiodatajow

• Pjeć starych jutrownych kěrlušow z Čorneho Chołmca. Napisane 1879 (digitalizat)

Měšćanske dźěle Wojerec

Brětnja-Michałki | Čorny Chołmc | Ćisk | Hórnikecy | Němcy