Černsk
wjes w Hornjej Łužicy; gmejnski dźěl Chrjebje-Noweje Wsy From Wikipedia, the free encyclopedia
Černsk (němsce Tschernske, prjedy tež Zschernske) je hornjołužiska wjeska ze 44 wobydlerjemi[1] w Zhorjelskim wokrjesu a słuša z lěta 1973 ke gmejnje Chrjebja-Nowa Wjes. Wjes je dźěl oficielneho serbskeho sydlenskeho ruma w Sakskej.
| |||||
| gmejna: | Chrjebja-Nowa Wjes | ||||
| zagmejnowanje: | 1938 (do Chrjebje) | ||||
| wobydlerstwo: | 111 (2011) | ||||
| přestrjeń: | 14,08 km² | ||||
| wysokosć: | 140 metrow n.m.hł. | ||||
51.35751714.692902140 | |||||
| póstowe čisło: | 02906 | ||||
| předwólba: | 035893 | ||||
| wotwodźene słowa: |
| ||||
wikidata: Černsk (Q30014773) | |||||
Wjeska nadeńdźe so w hornjołužiskej holi něhdźe kilometer sewjerowuchodnje Chrjebje na lěwym boku puća do Rěčic. Juhowuchodnje Černska leži jězor Čorna Truha a wosrjedź lěsa na wuchodźe wjeski Běły łuh.
Přidróžny nawsowc naspomni so prěni raz hakle w lěće 1423 jako Czirniski. 1490 mjenowachu jón Tschyrrnosc. Ležownostne knjejstwo nad wudworom měješe přez lětstotki Chrjebjanske ryćerkubło. Tež cyrkwinsce słušeše Černsk ze starodawna do Chrjebjanskeje wosady. Tam chodźachu Černšćanske dźěći tež do šule.
W běhu nacionalsocialistiskeho přemjenowanja łužiskich wsow dósta Černsk w lěće 1936 wumyslene němske mjeno Hirschwalde, bu pak po kóncu Druheje swětoweje wójny w lěće 1947 zaso přemjenowany.
Hač do 1. apryla 1938 bě Černsk samostatna gmejna a bu potom do susodneje Chrjebje zagmejnowany.
Wobydlerstwo a rěč
W lěće 1825 měješe Černsk 181 wobydlerjow. Ličba stupaše hač do 1871 na 229 wobydlerjow.
Po Mukowej statistice měješe Černsk we 1880tych lětach cyłkownje 215 wobydlerjow, mjez nimi 207 Serbow (95 %) a jenož wosom Němcow.[2] Arnošt Černik zwěsći 1956 w cyłej Chrjebjanskej gmejnje, ke kotrejž Černsk mjeztym słušeše, serbskorěčny podźěl wobydlerstwa wot hišće 35,3 %.[3] Dźensa so we wsy hižo njeserbuje.
Porno Nowej Wsy a Chrjebi so w Černšćanskej serbšćinje ł kaž w slepjanšćinje jako l wurjekowaše.[4]
- Marko Grojlich: Mjez horami a holu. Wjesne zapiski. LND, Budyšin 1998, str. 59–63
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
