Wuskidź
gmejna w Zhorjelskim wokrjesu From Wikipedia, the free encyclopedia
Wuskidź (němsce Weißkeißel) je wjes a gmejna w sewjeru sakskeho wokrjesa Zhorjelc. Leži 126 m nad mórskej hładźinu a ma wokoło 1.300 wobydlerjow.
| ||
| Zakładne daty | ||
|---|---|---|
| stat |  Němska | |
| zwjazkowy kraj |  Sakska | |
| wokrjes | Zhorjelski | |
| wysokosć | 126 metrow n.m.hł. | |
| přestrjeń | 50,68 km² | |
| wobydlerstwo | 1.220 (31. dec 2023)[1] | |
| hustosć zasydlenja | 24 wob. na km² | |
| póstowe čisło | 02957 | |
| předwólba | (+49) 03576 | |
| awtowa značka | GR, LÖB, NOL, NY, WSW, ZI | |
| Politika a zarjadnistwo | ||
| adresa | Torhošćo 02943 Běła Woda | |
| webstrona | www.weisskeissel.de/ | |
| Połoženje Wuskidźe w Sakskej | ||
 | ||
wikidata: Wuskidź (Q506128) | ||
51.48333333333314.716666666667
Gmejna słuša oficielnje do serbskeho sydlenskeho ruma.
Wuskidź leži na sewjeru Zhorjelskeho wokrjesa njedaloko hranicy mjez Němskej a Pólskej, něhdźe šěsć kilometrow wuchodnje Běłeje Wody a pjeć kilometrow južnje Mužakowa. Južna połojca gmejnskeho teritorija słuša k wojerskemu zwučowanišću Hornja Łužica a je tuž zawrjene pasmo.
Susodne gmejny su Krušwica na sewjeru a wuchodźe, Rěčicy a Hamor na juhu kaž tež Běła Woda na zapadźe.
Gmejnskej dźělej
| wob. | přer. staroba | ♀/♂a | kwocient młodychb | kwocient starychc | wosoby/ domjacnosć | |
|---|---|---|---|---|---|---|
| Hola | 108 | 50,0 | 108 | 9 | 28 | 2,3 |
| Wuskidź | 1227 | 47,6 | 108 | 17 | 28 | 2,3 |
| gmejna | 1335 | 47,8 | 108 | 17 | 28 | 2,3 |
| podaća po cencusu 2011; staw: 9.5.2011[2] a: ličba mužow na 100 žonow b: poměr ličby wosobow pod 18 lětami k 100 wosobam mjez 18 a 65 c: poměr ličby wosobow nad 65 lětami k 100 wosobam mjez 18 a 65 | ||||||
Wobchad
Runje přez Wuskidź wjedźe zwjazkowa dróha 115.
Při wuchodnej kromje gmejny leži při železniskej čarje Berlin-Zhorjelc dwórnišćo Wuskidź, kotrež so hižo za wosobowy wobchad njewužiwa; najbliše wosobowe dwórnišćo namaka so w Běłej Wodźe.
Prěnje historiske naspomnjenje jako Weißkeusel pochadźa z lěta 1452. Ležownostne knjejstwo měješe přez lětstotki Mužakowske stawowe knjejstwo.[3] Tež cyrkwinsce słušeše Wuskidź hač do 20. lětstotka do Mužakowa. Dźensa su ewangelscy Wuskidźenjo zafarowani do Krušwicy.
Po statistice Arnošta Muki měješe wjes w lěće 1884 cyłkownje 755 wobydlerjow, z nich 739 Serbow (98 %) a 16 Němcow.[4] Arnošt Černik zwěsći 1956 serbskorěčny podźěl wobydlerstwa wot hišće 17,7 %.[5] Tule rěčeše so Mužakowska narěč, přechodny dialekt mjez hornjo- a delnjoserbšćinu.
Gmejna słuša k sakskemu wólbnemu wokrjesej 57 (Zhorjelc 1) a k zwjazkowemu wólbnemu wokrjesej 157 (Zhorjelc).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
