![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/41/Upper_Lusatia_location_map_rivers.png/640px-Upper_Lusatia_location_map_rivers.png&w=640&q=50)
Walow
sydlišćo w Budyskim wokrjesu / From Wikipedia, the free encyclopedia
Walow[2] (němsce Wohla) je wjeska ze 54 wobydlerjemi[3] w zapadnej Hornjej Łužicy. Leži w dółčku něhdźe kilometer sewjerozapadnje Halštrowskeho stareho města pod Walowskej horu (336 m).
| |||||
město: | Halštrow | ||||
zagmejnowanje: | 1950 | ||||
wobydlerstwo: | 54 (30. junija 2015)[1] | ||||
wysokosć: | 230 metrow n.m.hł. | ||||
51.232514.116111111111230 | |||||
póstowe čisło: | 01920 | ||||
předwólba: | 035793 | ||||
wotwodźene słowa: |
| ||||
![]() Walowske ryćerkubło w lěće 1859 | |||||
wikidata: Walow (Q20737438) |
Susodnej wsy stej Protecy na wuchodźe a Bódricy na juhu. Za Walowskej horu namakaja so Hendrichecy.
Wjes naspomni so prěni raz w lěće 1420 jako Walaw.[4] Znajmjeńša wot prěnjeje połojcy 17. lětstotka bě Walow z knježim sydłom a Walowske ryćerkubło měješe ležownostne knjejstwo we wsy samej kaž tež w někotrych susodnych sydlišćach. Jako něhdyša knježa wjes bě Walow pod mjenom Ländchen Wohla hač do lěta 1950 samostatna gmejna z wjesnymi dźělemi Bódricy, Dobrik, Wóslin, Talpin a Wjelkow. W lěće 1921 so tež Hrańčik zagmejnowa.
Křesćanscy wobydlerjo přisłušeja ewangelskej Halštrowsko-Protečanskej wosadźe.