![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Baden-Wuerttemberg_relief_location_map.jpg/640px-Baden-Wuerttemberg_relief_location_map.jpg&w=640&q=50)
Ulm
město w Badensko-Württembergskej / From Wikipedia, the free encyclopedia
Ulm je němske wulkoměsto na wuchodźe Badensko-Württembergskeje. Nadeńdźe so při juhowuchodnej kromje Šwabskeje alby nad Dunajom a bjezposrědnje při hranicy Bayerskeje. Ulm je sydło uniwersity a ma něhdźe 120.000 wobydlerjow.
Wopon | ||
---|---|---|
| ||
Zakładne daty | ||
stat | ![]() | |
zwjazkowy kraj | Badensko-Württembergska![]() | |
wokrjes | měšćanski wokrjes | |
wysokosć | 478 metrow n.m.hł. | |
přestrjeń | 118,69 km² | |
wobydlerstwo | 126.949 (31. dec 2021)[1] | |
hustosć zasydlenja | 1070 wob. na km² | |
póstowe čisła | 89073–89081 | |
předwólby | (+49) 0731, 07304, 07305, 07346 | |
awtowa značka | UL | |
Politika a zarjadnistwo | ||
wyši měšćanosta | Gunter Czisch (CDU) | |
adresa | Marktplatz 1 89073 Ulm | |
webstrona | ulm.de | |
Połoženje w Badensko-Württembergskej | ||
![]() | ||
wikidata: Ulm (Q3012) |
Město je znate za gotisku katedralu (Ulmer Münster), kotraž ma z 161,53 metrami najwyšu cyrkwinsku wěžu na swěće. Přispomnjenja hódna je tež dołha byrgarska tradicija w Ulmje z najstaršej wustawu jednoho němskeho města a jednym z najstaršich měšćanskich dźiwadłow, kiž bu w lěće 1641 załožene.
Sydlišćo naspomni so prěni raz we wopismje dnja 22. julija 854 a bě mjez druhim kralowa pfalca a swobodne mócnarstwowe město.
Wuznamne wosobiny z Ulma su mjez druhim fyzikar Albert Einstein (1879–1955), spjećowarjej přećiwo nacionalsocializmej Hans a Sophie Scholl (1918 resp. 1921–1943) kaž tež dźiwadźelnica a spěwarka Hildegard Knef (1925–2002).
- Stare město z katedralu a Dunajom
- Ulm wokoło 1650
- Napohlad města wokoło 1900
- Nutřkowne město
- Ulmska radnica