město w Čěskej From Wikipedia, the free encyclopedia
Trutnov (němsce Trautenau) je město z něhdźe 30.000 wobydlerjemi w kraju Hradec Kralové na sewjerowuchodźe Čěskeje. Nadeńdźe so w Sudetskim kraju na juhowuchodźe Kyrkonošow w dolinje rěčki Úpa a je najwažniši měšćanski centrum tutych horin.
| ||
Wopon | ||
---|---|---|
| ||
Zakładne daty | ||
stat | ![]() | |
kraj | ![]() | |
wysokosć | 414 metrow n.m.hł. | |
přestrjeń | 103,36 km² | |
wobydlerstwo | 30.577 (1. jan 2018)[1] | |
hustosć zasydlenja | 296 wob. na km² | |
póstowe čisło | 541 01 | |
adresa | Slovanské náměstí 165 541 16 Trutnov | |
webstrona | trutnov.cz | |
![]() | ||
Kyrkonoške naměsto | ||
Sydlišćo nasta prawdźepodobnje w prěnjej połojcy 13. lětstotka a naspomni so prěni raz w lěće 1260 jako Upa. W samsnym lěće pomjenowa so tamniša cyrkej za wosadnu cyrkej. Mjeno Trautenau jewi so prěni raz hižo 1301 a pochadźa najskerje wot šleskich kolonistow, kiž so tule zasydlichu. 1340 dósta Trautenau wot krala Jana měšćanske prawa.
Wot kónca 19. lětstotka wuwiwaše so turizm w Kyrkonošach a město słužeše jako infrastrukturelne srjedźišćo tutoho wuwića. Zdobom dóńdźe k prěnim konfliktam mjez němskej wjetšinu a čěskej mjeńšinu w měsće. Po Prěnjej swětowej wójnje přińdźe město w lěće 1918 k nowozałoženej Čěskosłowakskej. 1930 měješe cyłkownje nimale 16.000 wobydlerjow, z toho 73 % Němcow a 24 % Čechow. Wjetšina bě katolska.[2]
Po Mnichowskim zrěčenju bu město hromadźe z cyłym Sudetskim krajom dźěl nacionalsocialistiskeje Němskeje. Kónc Druheje swětoweje wójny bu Trautenau wot sowjetskeho wójska wobsadźeny a přińdźe wróćo k Čěskosłowakskej. Němske wobydlerstwo bu hišće w samsnym lěće wućěrjene.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.