Smochćicy
wjes w Budyskim wokrjesu, měšćanski dźěl Budyšina From Wikipedia, the free encyclopedia
wjes w Budyskim wokrjesu, měšćanski dźěl Budyšina From Wikipedia, the free encyclopedia
Smochćicy (němsce Schmochtitz) su hornjołužiska wjeska z 49 wobydlerjemi[2], kotraž słuša wot lěta 1999 k městu Budyšinej.
| |||||
město: | Budyšin | ||||
zagmejnowanje: | 1948 (do Słoneje Boršće) | ||||
wobydlerstwo: | 49 (31. decembra 2023)[1] | ||||
wysokosć: | 187 metrow n.m.hł. | ||||
51.21361111111114.361388888889187 | |||||
póstowe čisło: | 02625 | ||||
předwólba: | 035935 | ||||
wotwodźene słowa: |
| ||||
Dom biskopa Bena w Smochćicach | |||||
wikidata: Smochćicy (Q14524855) |
Smochćicy leža w Hornjołužiskich honach něhdźe šěsć kilometrow sewjerozapadnje Budyskeho stareho města a dwaj kilometraj sewjernje Słoneje Boršće.
Susodne wjeski su Přezdrěń a Miłkecy (gmejna Radwor) na sewjeru, Wulki Wjelkow na wuchodźe, Horni a Delni Wunjow na juhozapadźe a Łahow (gmejna Njeswačidło) na sewjerozapadźe.
Michał Rostok naliči 1887 slědowace serbske ležownostne mjena: Duborka, Čěžki, Na skałkach, Zajědź, Hajki, Na Lešawkach, Słónčny templ.[3]
Wjes naspomni so k prěnjemu razej hakle w lěće 1391 jako Smochticz. Patronymiske wjesne mjeno na -icy a połoženje na wunošnych pódach pokazatej pak na to, zo bě městno hižo lětstotki prjedy wobsydlene. Wot stareje wjesneje struktury wjele wobchowaneho njeje, dokelž zniči woheń w lěće 1783 wjetšinu burskich statokow. Po wohnju da tehdyši wobsedźer Smochčanskeho ryćerkubła, sakski maršal Peter August z Schöneberga po swojich planach znowa natwarić.
Hač do lěta 1948 běchu Smochćicy samostatna gmejna z wjesnymaj dźělomaj Delnim a Hornim Wunjowom (wot 1936), doniž so do gmejny Słona Boršć-Bolborcy njezagmejnowachu, z kotrejž přińdźechu w lěće 1994 do Małeho Wjelkowa a skónčnje 1999 do Budyšina.
Podaća po cencusu 2011; staw: 9.5.2011[4] | Smochćicy | město |
---|---|---|
ličba wobydlerjow | 52 | 40.273 |
ličba domjacnosćow | 21 | 20.508 |
wosoby na domjacnosć | 2,5 | 1,9 |
swójby | 16 | 11.813 |
bydlenske twarjenja | 22 | 5.918 |
bydlenska přestrjeń na wosobu (m²) | 39,4 | 38,7 |
přerězna staroba w lětach | 48,4 | 46,5 |
kwocient młodostnycha | 15 | 22 |
kwocient starychb | 42 | 42 |
podźěl prózdne stejacych bydlenjow | 17,4 % | 7,9 % |
a: poměr ličby wosobow pod 18 lětami k 100 wosobam mjez 18 a 65 b: poměr ličby wosobow nad 65 lětami k 100 wosobam mjez 18 a 65 |
We 1880tych lětach mějachu Smochćicy po Arnošta Mukowej statistice 135 wobydlerjow, mjez nimi 119 Serbow (88 %) a 16 Němcow.[5]
W lěće 1925 bě wot cyłkownje 126 wobydlerjow 125 ewangelskich. Ewangelscy wěriwi słušeja znajmjeńša ze 16. lětstotka k Hodźijskej wosadźe. Katolska kapałka w domje biskopa Bena słuša z lěta 2002 jako filialna cyrkej k Baćońskej wosadźe.
W lěće 2010 bě wot 78 wobydlerjow 54 ewangelskich (69,2 %) a dźewjeć katolskich (11,5 %).[6]
Hlej tež: Kulturne pomniki w Smochćicach
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.