Serbski institut
wědomostny institut w Budyšinje / From Wikipedia, the free encyclopedia
Serbski institut z.t. je zwonkauniwersitna slědźerska institucija, kotraž so 1992 zhromadnje wot Swobodneho stata Sakska a Kraja Braniborska załoži a so hłownje přez Załožbu za serbski lud spěchuje. Po wustawkach wobsteji jeho nadawk w přeslědźenju a hajenju serbskeje rěče, stawiznow a kultury Serbow Hornjeje a Delnjeje Łužicy w přitomnosći a zašłosći kaž tež w zběranju a archiwěrowanju za to trěbnych materialijow. Dźěło instituta wobsahuje tohorunja komparatistiske slědźenje na polu mjeńšinow w Europje. Serbski institut je po prawniskej formje zapisane towarstwo, kotrež Hauke Bartels jako direktor nawjeduje.
čas | mjeno |
---|---|
Pawoł Nowotny | |
Měrćin Kasper | |
Helmut Faska | |
Dietrich Šołta | |
Hauke Bartels a Dietrich Šołta[A 1] | |
Hauke Bartels (interimny direktor) | |
Hauke Bartels |
Serbski institut ma sydło na Dwórnišćowej w Budyšinje a wudźeržuje delnjołužisku wotnožku na Bebelowej w Choćebuzu. Wón je wudawaćel sorabistiskeho a kulturnowědomostneho časopisa Lětopis a rjadu monografijow Spisy Serbskeho instituta, kotrejž w Ludowym nakładnistwje Domowina wuchadźataj. Přirjadowanej stej institutej Serbska centralna biblioteka a Serbski kulturny archiw. Institucija so prawidłownje wot wědomostneje, mjezynarodnje wobsadźeneje, přirady a druhich ekspertow ewaluěruje.