![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Flag_of_Pakistan.svg/langhsb-640px-Flag_of_Pakistan.svg.png&w=640&q=50)
Pakistan
stat w južnej Aziji / From Wikipedia, the free encyclopedia
Pakistan (oficielnje Islamska republika Pakistan) je wot lěta 1956 islamska federatiwna republika, kotraž leži w južnej Aziji. Po Indoneskej jedna so wo kraj z druhim najwjetšim islamskim wobydlerstwom na swěće.
![]() |
![]() |
hesło Ittehad, Tanzeem, Yaqeen-e-Muhkam | |
zakładne daty: | |
swójske mjeno | اسلامی جمہوریت پاکستان Islámí džamhúrijat Pákistán |
stolica | Islamabad |
přestrjeń | 880.254 km² |
wobydlerstwo | 199.085.847 (2015)[1] |
hustosć | 226,2 wob./km² |
forma knježerstwa | republika |
hłowa stata | prezident Mamnoon Hussain (wot 2013) |
šef knježerstwa | ministerski prezident Shahid Khaqan Abbasi (wot 2017) |
měna | pakistanska rupija |
hamtska rěč | urdušćina, jendźelšćina |
hymna | Qaumi tarana |
časowe pasmo | UTC+5 |
njewotwisnosć | 1947 wot Zjednoćeneho kralestwa |
Top Level Domain | .pk |
telefon | +92 |
Połoženje Pakistana na zemi | |
![]() | |
Na juhowuchodźe mjezuje z Indiskej, na sewjerowuchodźe z Chinskej, na sewjerozapadźe z Afghanistanom, na juhozapadźe z Iranom a na juhu z Arabskim morjom. Pakistanska stolica je w sewjeru ležacy Islamabad, najwjetše město a hospodarski centrum pak Karači při pobrjoze w juhu. Najwyši wjeršk kraja a zdobom druhi najwyši cyłeho swěta je K2 (8.611 m), kotryž so w Himalaji blisko chinskeje hranicy namaka. Najwuznamniša rěka je z Tibeta pochadźacy Indus, kotryž słuži powodźowanju wulkeho dźěla pakistanskeho ratarstwa.
Pakistan bu w lěće 1947 hromadźe z Indiskej njewotwisny wot Zjednoćeneho kralestwa. Hač do lěta 1971 wobsteješe ze Zapadneho Pakistana, kotryž wotpowěduje dźensnišemu teritorijej, a Wuchodneho Pakistana, kotryž bu po wójnje jako Bangladeš njewotwisny.