![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Ukraine_relief_location_map.jpg/640px-Ukraine_relief_location_map.jpg&w=640&q=50)
Ostroh
město na Ukrainje / From Wikipedia, the free encyclopedia
Ostroh (ukrainsce Острог, pólsce Ostróg) je město w oblasći Riwne na zapadźe Ukrainy. Leži při zjednoćenju rěkow Wilija a Horyn w historiskej Wołyńskej něhdźe 50 kilometrow juhowuchodnje Riwneho.
swójske mjeno | Острог | ||
| |||
Wopon a chorhoj | |||
---|---|---|---|
| |||
Zakładne daty | |||
stat | ![]() | ||
oblasć | ![]() | ||
přestrjeń | 10,9 km² | ||
wobydlerstwo | 15.779 (2016) | ||
hustosć zasydlenja | 1.447,6 wob./km² | ||
póstowe čisło | 35800—35807 | ||
předwólba | (+380) 3654 | ||
![](http://upload.wikimedia.org/wikipedia/commons/thumb/7/70/Ostroh-1.jpg/640px-Ostroh-1.jpg)
Ma něhdźe 15 tysac wobydlerjow.[1]
Sydlišćo naspomni so prěni raz w lěće 1100 wot Kijewskeho chronista Nestora jako „město z hrodom“. Wot 1386 słušeše do Litawskeje. Hižo wot 15. lětstotka wobsteješe tu wulka židowska wosada ze swójskej talmudowej šulu a w 16. lětstotku natwari so synagoga w renesansowym stilu. W lěće 1577 załoži Iwan Fjodorow tu prěnju knihićišćernju, kotraž produkowaše knihi w cyrkwinosłowjanšćinje, mjez druhim Ostrogsku bibliju. W lěće 1585 dósta Ostroh měšćanske prawa. Wot 1793 bě z dźělom Ruskeho carstwa a mjez 1920 a 1939 słušeše znowa do Pólskeje, jako přimjezne město ze Sowjetskim zwjazkom. 1939 bu wot sowjetskeho wójska wobsadźene a wot lěta 1945 słuša tež oficielnje do Ukrainy.