wjes w Hornjej Łužicy; gmejnski dźěl Halštrowskeje Hole From Wikipedia, the free encyclopedia
Nowa Łuka (němsce Neuwiese) je srjedźołužiska wjes ze 181 wobydlerjemi[2] na sewjeru Budyskeho wokrjesa, kotraž słuša wot lěta 1995 ke gmejnje Halštrowska Hola. Ze susodnymi Horami twori Nowa Łuka zhromadny gmejnski dźěl.
| |||||
gmejna: | Halštrowska Hola | ||||
zagmejnowanje: | 1995 | ||||
wobydlerstwo: | 181 (31. decembra 2016)[1] | ||||
wysokosć: | 115 metrow n.m.hł. | ||||
51.4620114.209331115 | |||||
póstowe čisło: | 02979 | ||||
předwólba: | 03571 | ||||
wotwodźene słowa: |
| ||||
Wjesna tafla Noweje Łuki | |||||
wikidata: Nowa Łuka (Q52739920) |
Wjes nadeńdźe so něhdźe štyri kilometry sewjerozapadnje Wojerowskeho stareho města w nižinje Čorneho Halštrowa a leži na lěwym brjoze kanalizowaneje rěki. Stary Halštrowski běh ćeče bjezposrědnje přez Nowołučansku nawjes.
Susodnej wsy stej Hory na sewjerozapadźe a Narć na juhozapadźe. Sewjernje wsy nadeńdźe so přemysłowy park Nowa Łuka-Hory. Mjez Nowej Łuku a Horami běži Stara Berlinska dróha, dźensniša statna dróha 234.
Nowa Łuka je po sydlišćowej formje typiski holanski nawsowc z cyhelowymi chěžemi a naspomni so prěni raz pisomnje w lěće 1401 jako Weze. Přez lětstotki wukonješe Wojerowske stawowe knjejstwo ležownostne knjejstwo we wsy. W prěnjej połojcy 18. lětstotka nasta sewjerowuchodnje Noweje Łuki jako wutwar nowa wjeska Hory, kotrež mjenowaše so w lěće 1744 tež Ober-Neuwiese. W lěće 1938 buchu Hory do Noweje Łuki zagmejnowane.
Samostatna gmejna Nowa Łuka wobsteješe hač do lěta 1995, jako zjednoćichu so gmejny Bjezdowy, Bluń, Lejno, Narć, Nowa Łuka, Ptačecy, Zabrod a Židźino k nowej wulkogmejnje Halštrowska Hola.
Po Arnošta Mukowej statistice měješe wjes we 1880tych lětach cyłkownje 251 wobydlerjow, z kotrychž běchu nimo jednoho jeničkeho wšitcy Serbja.[3] Tež po Druhej swětowej wójnje zwěsći Arnošt Černik w lěće 1954 hišće wysoki serbskorěčny podźěl wobydlerstwa wot 78,5 %.[4] W druhej połojcy 20. lětstotka je so serbšćina we wšědnym dnju do dalokeje měry zhubiła.
Ewangelscy Nowołučenjo přisłušeja ze starodawna Wojerowskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.