serbske wuznamjenje From Wikipedia, the free encyclopedia
Z Mytom Ćišinskeho wuznamjenja Załožba za serbski lud wosobiny abo tež skupiny wosobinow k wopomnjeću na Jakuba Barta-Ćišinskeho. Z mytom hódnoća a spěchuja so „wusahowace wukony na polu serbskeje kultury, wuměłstwa a wědomosće”.[1] Myto Ćišinskeho a spěchowanske Myto Ćišinskeho so dwulětnje, po móžnosći na předwječoru posmjertnin Ćišinskeho, dnja 15. oktobra spožčitej.
K prěnjemu razej so myto w lěće 1956, składnostnje stotych narodnin Ćišinskeho a tehdy hišće jako statne myto Němskeje demokratiskeje republiki (NDR) spožči. K poslednemu razej so statne myto NDR přez knježerstwo de Maizière w lěće 1990 spožči. Hač do lěta 1995 so nichtó njemytowaše a wot toho lěta je Załožba za serbski lud nadawk přewzała, prócowarjow z tutym mytom wuznamjenić. Kuratorij, kotryž wobsteji ze zastupjerjow Załožboweje rady, Domowiny z Hornjeje Łužicy, Domowiny z Delnjeje Łužicy, Zwjazka serbskich wuměłcow, Zwjazka serbskich spěwarskich towarstwow, Maćicy Serbskeje a Serbskeho šulskeho towarstwa, rozsudźi wo spožčenju myta.
Myto spožči so wosobinje abo skupinje wosobinow jenož jónu.
1956–90
1956: Jan Pawoł Nagel (1934–97, jako nawoda kulturneho ansambla Choćebuskeje serbskeje wyšeje šule), Mikławš Krječmar (1891–1967), Serbske ludowe dźiwadło (kolektiwne myto I. rjadownje)
1970: I. rjadownje: Pawoł Nowotny (1912–2010); Jan Rawp (1928–2007); Beno Šram (1924–2016); II. rjadownje: Wylem Šybar (1887–1974); Józef Nowak (1895–1978); Juraj Kubánka (* 1928); kolektiw wotrjada belestristiki LND (Jurij Krawža, Ben Budar, Pětr Malink, Helmut Kaltšmid, Albert Wawrik)
1974: I. rjadownje: Jurij Koch (* 1936); II. rjadownje: Měrćin Benada; Jan Kósk; kulturny ansambl SPWŠ „Hermann Matern“; redakciski kolektiw Noweho Casnika (Wylem Bjero, Monika Pawlowa, Horst Adam, Pawoł Šenkar)
1976: I. rjadownje: Chór „Budyšin“; II. rjadownje: Wórša Lanzyna a Steffen Langa; Pawoł Völkel; Rozhlad; Serbske pioněrske dźiwadło Budyšin
1978: I. rjadownje: Pětr Malink (1931–1984), Jurij Grós (1931–2019), kolektiw SLA (Monika Rewjerkowa, Leńka Šołćic-Winarjec, Pawoł Šołta); II. rjadownje: Detlef Kobjela; kolektiw Jurij Kubaš, Pawoł Kmjeć, Jurij Wowčer a Jan Hempel; Jarmila Vrchotová a Ladislav Vrchota
1980: I. rjadownje: Hinc Šewc (1927–2021), Ludowy chór „Meja“; II. rjadownje: Alfons Janca; Hańža Bjeńšowa; kolektiw NSLDź (Erika Wjencyna-Rjedźic, Marka Šramina, Dietrich Zimmermann); kolektiw Jurij Bětnar, Anton Nawka a Arnošt Kowar
1984: I. rjadownje: Nowa doba, Wórša Lanzyna (1928–2020); II. rjadownje: Serbski muski chór „Delany“; Helmut Faska (1932–2024); Józef Frencl; kolektiw serbskich nawodow chórow a spěwarjow (Křesćan Baumgärtel, Jan Knebel, Alfons Hrjehor, Pawoł Šołta)
1986: I. rjadownje: Měrćin Kasper (1929–2011), Jan Pawoł Nagel (1934–97); II. rjadownje: Konstantin Trofimowič; Jan Buk; Chór SPW „Jakub Bart-Ćišinski“ Pančicy-Kukow; Chór SPW Worklecy; kolektiw Pawoł Grojlich, Gerat Hendrich a Měrćin Völkel
1988: I. rjadownje: Alfons Janca (1933–89), Jan Kósk (1930–97); II. rjadownje: Jan Wornar; kolektiw nawodow ludowuměłskich ćelesow (Jan Domaška, Jan-Dytar Hajnk, Mikławš Kostorž, Beno Rewjerk); kolektiw pioněrskeho ansambla SPWŠ „Hermann Matern“ (Fridla Wjeńcyna, Jutta Scheurichowa, Edita Cyžowa, Werner Frencel, Franc Wjeńka, Dieter Wendisch)
1990: I. rjadownje: Kito Lorenc (1938–2017), Měrćin Salowski (1932–2010); II. rjadownje: Bohumila Šretrová; Křesćan Bart, Jan Mahr a Měrćin Słodeńk (w kolektiwje); Hana Tilichowa, Lotar Balko a Maks Donat (w kolektiwje)