Motydło (němsce Weifa) je hornjołužiska wjes a wot 1999 dźěl sakskeje gmejny Wołbramecy. Wočerstwjenišćo je najwyše ležaca wjes we Budyskim wokrjesu.
![]() | ||
| ||
gmejna: | Wołbramecy | |
zagmejnowanje: | 1999 | |
wobydlerstwo: | 700 | |
wysokosć: | 447 metrow n.m.hł. | |
51.08333333333314.366666666667447 | ||
póstowe čisło: | 01904 | |
předwólba: | 035951 | |
wikidata: Motydło (Q160238) |
Motydło leži we Łužiskich horach, při hranicy Šluknovskeho wuběžka w Čěskej a něhdźe kilometraj wot Wołbramec zdalene. Sewjerowuchodnje Motydła namaka so hora Weifaer Höhe (505 m), jedna z najwyšich horow tuteje kónčiny. Sydlišćo je po formje łanowc a přituli so krajinje Łužiskich horow. Chěže ze stołom su za kónčinu typiske a swědča wo starym ručnym tkanju w 17. do 19. lětstotku.
Němske kaž tež serbske pomjenowanje wotwodźuje so wot słowa motydło, na kotrež so napředźene předźeno wot cywki wije. Němske pomjenowanje jako Weiffener je w lěće 1417 a serbske mjeno Motoldlo w lěće 1730 dokładźene.[1]
Motydło je hłownje ewangelsko-lutherska wjes, njewobsedźi pak žanu swójsku cyrkej.
W Motydle namaka so wjedrowa stacija předewzaća MeteoGroup Schweiz AG, kotrež běše Jörg Kachelmann 1990 załožił. Dróha w bliskosći stacije je po Jörgu Kachelmannu pomjenowana.
Motydło ma domiznowědny muzej a něšto chěžow ze stołom, kotrež pod pomnikoškitom steja.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.