wjes w Zhorjelskim wokrjesu, gmejnski dźěl Hamora From Wikipedia, the free encyclopedia
Manjow (němsce Mönau) je wjes z 83 wobydlerjemi[2] w sakskim wokrjesu Zhorjelc, kotraž słuša ke gmejnje Hamor. Leži 136 m nad mórskej hładźinu.
| |||||
gmejna: | Hamor | ||||
zagmejnowanje: | 1994 (do Delnjeho Wujězda) | ||||
wobydlerstwo: | 83 (30. nowembra 2020)[1] | ||||
přestrjeń: | 8,751 km² | ||||
wysokosć: | 136 metrow n.m.hł. | ||||
51.33333333333314.5136 | |||||
póstowe čisło: | 02943 | ||||
předwólba: | 035728 | ||||
wotwodźene słowa: |
| ||||
![]() Manjowski knježi dom | |||||
wikidata: Manjow (Q160961) |
Manjow a susodna Rudej ležitej wosrjedź hornjołužiskeje holanskeje a hatoweje krajiny při puću mjez Delnim Wujězdom a Minakałom. We wokolinje nadeńdźe so wjele rybjacych hatow.
Susodne wsy su Lěskej na juhowuchodźe, Rudej na zapadźe a Delni Wujězd na sewjeru.
Prěnje historiske naspomnjenje jako Maynaw pochadźa z lěta 1394. Ležownostne knjejstwo wukonješe přez lětstotki ryćerkubło we wsy samej, kotrež wobhospodarješe tež wudwór w susodnej Rudeji. Cyrkwinsce słušeštej wobě wjesce hač do lěta 1823 do Minakałskeje ewangelskeje wosady a wot toho časa do Delnjeho Wujězda.[3]
Po Wienskim kongresu lěta 1815 přińdźe Manjow kaž cyły sewjer Hornjeje Łužicy k Pruskej, susodny Komorow wosta pak sakski. Hranica běžeše hač do lěta 1945 južnje wsy přez Komorowske haty.
Hač do lěta 1994 běše Manjow samostatna gmejna, do kotrejež słušeše wot 1938 tež Rudej.
We 1880tych lětach měješe Manjow po Arnošta Mukowej statistice 139 wobydlerjow, z nich 132 Serbow (95 %) a sedmjo Němcy, při čimž tež wšitcy Němcy serbsce móžachu.[4] Arnošt Černik zwěsći 1956 serbskorěčny podźěl wobydlerstwa wot hišće 82 %.[5] Ewangelscy Manjowčenjo słušeja do Wujězdźanskeje wosady.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.