Sewjerna Makedonska

Republika Sewjerna Makedonska
	zakładne daty:
swójske mjeno	Република Северна Македонија; Republika e Maqedonisë së Veriut
stolica	Skopje
přestrjeń	25.713 km²
wobydlerstwo	2.096.015 (2015)
hustosć	81,5 wob./km²
forma knježerstwa	republika
hłowa stata	prezidentka; Gordana Siljanovska-Davkova (wot 2024)
šef knježerstwa	ministerski prezident; Talat Xhaferi (wot 2024)
měna	makedonski denar
hamtska rěč	makedonšćina) a albanšćina
připóznate mjeńšinowe rěče	turkowšćina, romani, serbišćina, aromunšćina
hymna	Denes nad Makedonija (Денес над Македонија)
časowe pasmo	UTC+1
njewotwisnosć	8. septembra 1991 wot Juhosłowjanskeje
Top Level Domain	.mk
telefon	+389
awtowa značka	MK
	Połoženje Sewjerneje Makedonskeje w Europje
	Karta

Sewjerna Makedonska (makedonsce Република Северна Македонија/Republika Sewerna Makedonija, albansce Republika e Maqedonisë së Veriut) je stat na Balkanskej połkupje w juhowuchodnej Europje. Hač do lěta 1991 běše dźěl Socialistiskeje Federatiwneje Republiki Juhosłowjanskeje (SFRJ). Wona ma přestrjeń 25.713nbsp;km² a hłowne město je Skopje. Hamtskej rěči w Sewjernej Makedonskej stej makedonšćina, kotraž so wot wjetšiny wobydlerstwa rěči, a albanšćina. Hač do lěta 2019 rěkaše kraj hamtsce jenož Makedonska; w organach Europskeje unije, NATO, UNO a za Grjeksku bě mjeno kraja Bywša Juhosłowjanska Republika Makedonska (mak. Πоранешна Југословенска Република Македонија/Poranešna Jugoslovenska Republika Makedonija), přetož Grjekska oficielne mjeno Makedonskeje njepřipóznawaše.

41.621.7

Zakładne fakty

Začinić

Po schwalenju ramikoweho zrěčenja 2001 a wójnskim konflikće mjez Albanjanami a Makedonjanami připóznawa Makedonska albanšćinu, serbišćinu, romašćinu, turkowšćinu a bosnišćinu jako druhu oficielnu rěč we wonych wokrjesach, hdźež je wjace hač 20% wobydlerstwa albanskeje, serbiskeje, romskeje, turkowskeje abo bosniskeje narodnosće.

Mjez dźesać najwjetšimi městami w Sewjernej Makedonskej ličimy města Skopje, Bitola, Kumanovo, Prilep, Tetovo, Veles, Štip, Ohrid, Gostivar a Strumica. Ohrid je město słowjanskich wučerjow, mjez kotrymiž je swjaty Kliment Ohridski, kiž je kyrilicu k česći swojeju wučerjow swjateju Cyrila a Metoda wutworił. W Ohridźe je była tež wutwarjena prěnja Słowjanska Uniwersita w tak mjenowanym regionje Kutmičevica, na kotrejž je studowało wjace hač 3.500 studentow. W Ohridskim regionje je tež Naum Ohridski skutkował. Naum Ohridski bě kaž Kliment Ohridski wučomnik swjateju Cyrila a Metoda. Pochowany bu wón w klóštrje Swj. Nauma Ohridskeho blisko albanskeje hranicy.

Tuchwilny prezident Sewjerneje Makedonskeje je Stevo Pendarovski.

Sewjerna Makedonska ma bohatu floru a fawnu. Wosebity ekosystem zmóžni něhdźe 3500 družinam rostlinow, 55 družinam rybow, 78 družinam cycakow a 330 družinam ptačkow žiwjenje. W Sewjernej Makedonskej su bruny mjedwjedź, rys, kaž tež jara rědki běłohłowny kosćełamak žiwe.