Maine
zwjazkowy stat Zjednoćenych statow Ameriki / From Wikipedia, the free encyclopedia
Maine ( [meɪ̯n]a a) je US-ameriski zwjazkowy stat, kotryž leži na samym sewjerowuchodźe kraja w Nowej Jendźelskej při Atlantiskim oceanje. Ma něhdźe 1,3 miliony wobydlerjow na 92.000 km² a je tuž jara rědko wobsydleny. Stolica je Augusta z 19.000 wobydlerjemi, najwjetše město pak Portland z něhdźe 66.000 wobydlerjemi.
hesło: Dirigo („Nawjeduju“) | |
přimjeno: The Pine Tree State | |
Zakładne daty | |
---|---|
stolica | Augusta |
přestrjeń | 91.646 km² |
wobydlerstwo | 1.329.328 (1. jul 2015)[1] |
hustosć | 15 wob. na km² |
časowe pasmo | UTC–5 (EST) |
Politika | |
guwerner | Paul LePage (Rep.) |
přistup do unije | 15. měrca 1820 |
Přehladna karta zwjazkoweho stata | |
Stat mjezuje z kanadiskimaj prowincomaj Québec a New Brunswick na sewjeru a na wuchodźe kaž tež z US-ameriskim zwjazkowym statom New Hampshire na zapadźe. Na juhu twori pobrjóh Atlantika přirodnu hranicu. Najwyši dypk je Mount Katahdin (1606 m).
Prěnje europske sydlišćo na teritoriju dźensnišeho stata bu w lěće 1604 załožene wot Francozow na kupje Saint Croix Island. Maine přiwza so dnja 15. měrca 1820 jako 23. stat do unije a ma přimjeno The Pine Tree State („Stat chójnow“).
Něhdźe 22 % wobydlerstwa je jendźelskeho pochada, 18 % irskeho a 16 % francoskeho. 8,5 % ma němskich prjedownikow.
- Atlantiski pobrjóh
- Zyma w měsće Bangor
- Portland
- Swětłownja při Atlantiku blisko Portlanda
- Maine State House